តើបារាំង ឬអង់គ្លេសជាអ្នកទទួលបានមេដាយសំរឹទ្ធត្រលប់ទៅផ្ទះវិញ?

នៅថ្ងៃទី 19 ខែកក្កដា នៅទីក្រុងម៉ៃអាមី បារាំង និងអង់គ្លេសនឹងត្រូវតទល់គ្នា​ក្នុងការ​ប្រកួត​ដណ្តើម​ចំណាត់​ថ្នាក់លេខបី​នៃព្រឹត្តិការណ៍​បាល់​​ទាត់ដ៏ធំបំផុតនៅលើពិភពលោក។ អត្ថបទវិភាគរបស់ 1xBet នឹងនាំអ្នកទៅពិនិត្យមើលទម្រង់លេងរបស់ក្រុម​ទាំងពីរ​មុនការ​ប្រកួត​​ដ៏ស្វិតស្វាញនេះមកដល់ ព្រមទាំងកត្តាផ្សេងៗដែលអាចជះឥទ្ធិពលដល់លទ្ធផលចុងក្រោយ។

ការប្រកួតចុងក្រោយរបស់លោក Didier Deschamps

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការប្រកួតទល់នឹងក្រុមអង់គ្លេសនេះនឹងក្លាយជាការកាត់សេចក្តីបិទបញ្ចប់ការដឹកនាំរយៈពេល 14 ឆ្នាំរបស់លោក Didier Deschamps ក្នុងនាមជាគ្រូបង្វឹករបស់ក្រុមជម្រើសជាតិបារាំង។ ក្រោមការដឹកនាំរបស់លោក បារាំងបានឈ្នះ​ពានរង្វាន់​ពិភព​លោក​កាល​ពីឆ្នាំ 2018 និងបានឡើងទៅដល់វគ្គផ្តាច់ព្រ័ត្រម្តងទៀតនៅបួនឆ្នាំបន្ទាប់។ ពេលនេះ ក្រុមមាន់គកបារាំ​ង​កំពុង​ប្តេជ្ញា​ចិត្ត​យ៉ាង​មុត​មាំ​ ក្នុងការដណ្តើមយកជ័យជម្នះ ទុកជាចំណងដៃចុងក្រោយដ៏ល្អឥតខ្ចោះ សម្រាប់អ្នកចាត់ការដ៏ឆ្នើមរបស់ពួកគេ។

មុនពេលឈានដល់វគ្គពាក់កណ្តាលផ្តាច់ព្រ័ត្រ បារាំងបានយកឈ្នះទាំងប្រាំមួយប្រកួតរបស់ខ្លួនដោយទាត់​បញ្ចូលទីបានរហូតដល់​ទៅ​ 16 គ្រាប់ និងរបូតវិញត្រឹមតែពីរគ្រាប់ប៉ុណ្ណោះ។ នៅក្នុងវគ្គជម្រុះ ពួកគេបានលត់ស៊ុយអែត (3-0) ប៉ារ៉ាហ្គាយ (1-0) និងម៉ារ៉ុក (2-0) ដោយរក្សាការមិនឱ្យរបូតគ្រាប់បាល់ទាំងបីប្រកួតតែម្តង។

ទោះជាយ៉ាងណាក៏ដោយ កំណត់ត្រាឈ្នះជាប់ៗគ្នារបស់ពួកគេត្រូវបានបិទបញ្ចប់ក្រោមថ្វីជើងរបស់អេស្ប៉ាញនៅក្នុងវគ្គ​ពាក់កណ្តាល​ផ្តាច់​ព្រ័ត្រ។ ក្រុមរហស្សនាមកំហឹងទន្សោង បានគ្រប់គ្រងបាល់យ៉ាងស្អិត រហូតមិនទុកចន្លោះឱ្យបារាំងវាយសម្រុកបានទាល់តែសោះ និង​ដណ្តើមបានជ័យជម្នះ 2-0។ នេះជា​លើកដំបូងហើយដែលក្រុមមាន់គកបារាំងមិនអាចស៊ុតបញ្ចូលទី​បានសូម្បីតែមួយ​គ្រាប់​នៅក្នុង​ព្រឹត្តិការណ៍​នេះ ដែលជាការបិទបញ្ចប់ក្តីស្រមៃក្នុងការឈានទៅវគ្គផ្តាច់ព្រ័ត្រជាលើកទីបីជាប់ៗគ្នាផងដែរ។

មេដាយសំរឹទ្ធមិនមែនជារង្វាន់តែមួយគត់ដែលបារាំងត្រូវតាមប្រមាញ់ពីអង់គ្លេសនោះទេ។ ខ្សែប្រយុទ្ធ Kylian Mbappé រកបានប្រាំបី​គ្រាប់​រួចមកហើយ និងនៅតែមានឱកាសគ្រងតំណែងជាអ្នកស៊ុតបញ្ចូលទីច្រើនជាងគេប្រចាំព្រឹត្តិការណ៍នេះ។ ជំនួបដណ្តើមចំណាត់​ថ្នាក់​លេខបីនេះ នឹងក្លាយជាឱកាសចុងក្រោយរបស់គេក្នុងការបង្កើនចំនួនគ្រាប់បាល់ និងក្តោបក្តាប់ពានរង្វាន់​ស្បែក​ជើង​មាស​ជាក់​ជា​មិន​ខាន។

ការពឹងផ្អែកលើតំបន់ការពារមិនអាចជួយសង្គ្រោះអង់គ្លេសបានឡើយ

បន្ទាប់ពីឆ្លងផុតវគ្គចែកពូល អង់គ្លេសបានជួបប្រទះនឹងឧបសគ្គដ៏តានតឹងស្ទើរគ្រប់ការប្រកួតក្នុងវគ្គជម្រុះ ប៉ុន្តែពួកគេតែងតែរក​វិធី​ដើម្បី​ឆក់យកជ័យជម្នះជានិច្ច។ កូនក្រុមរបស់លោក Thomas Tuchel បានប្រឹងយកឈ្នះកុងហ្គោ (2-1) នៅនាទីចុងក្រោយ វាយ​បក​យក​ឈ្នះម៉ិកស៊ិក (3-2) ទោះបីជាសល់កីឡាករត្រឹមតែដប់នាក់ ហើយថែមទាំងត្រូវលេងដល់ម៉ោងបន្ថែមដើម្បីផ្តួលន័រវែស (2-1)។ 

ស្ថានការណ៍ដ៏ព្រឺព្រួចនៅនាទីចុងក្រោយដែលធ្លាប់តែជួយអង់គ្លេស បានកើតឡើងម្តងទៀតក្នុងវគ្គពាក់កណ្តាលផ្តាច់ព្រ័ត្រ តែ​លើក​នេះ​ វាបែរជាថ្នាំបំពុលពួកគេទៅវិញ។ គ្រាប់បាល់របស់ Anthony Gordon នៅនាទីទី 55 បានត្រួសត្រាយផ្លូវ​ឱ្យក្រុមតោ​កំណាច​អង់គ្លេស​ឆ្ពោះទៅវគ្គផ្តាច់ព្រ័ត្រទៅហើយ ប៉ុន្តែពួកគេបែរជាដកថយទៅលេងការពារយ៉ាងជ្រៅនៅក្នុងតំបន់របស់ខ្លួនឯង។ លោក Tuchel បានប្តូរ Ezri Konsa, Dan Burn និង Nico O'Reilly ចូលដែលធ្វើឱ្យ​អង់គ្លេស​មាន​ខ្សែការពារ​រហូត​ដល់​ទៅប្រាំ​មួយ​នាក់​នៅ​លើ​ទី​លាន។ ប៉ុន្តែ ការការពារដ៏ក្រាស់ក្រែលនេះនៅតែមិនអាចទប់ទល់បានឡើយ។ នៅនាទីទី 85 កំពូលកីឡាករ Lionel Messi បាន​បញ្ជូន​បាល់ឱ្យ Enzo Fernández ស៊ុតតាមស្មើ។ លុះដល់ម៉ោងបន្ថែម ការលើកបាល់កាត់ដ៏ល្អឥតខ្ចោះមួយទៀតពី Messi ទៅកាន់ Lautaro Martínez ដែលបានលោតតែតបញ្ចូលទីយ៉ាងកក្រើក ដើម្បីធានាជ័យជម្នះ 2-1 សម្រាប់អាហ្សង់ទីន។

សម្រាប់ជំនួបដណ្តើមមេដាយសំរឹទ្ធនេះ ក្តីសង្ឃឹមដ៏ធំធេងនឹងត្រូវពឹងផ្អែកទៅលើ Harry Kane និង Jude Bellingham ម្តងទៀត។ ពួកគេ​រកបានប្រាំមួយគ្រាប់ម្នាក់ៗ ដែលស្មើនឹង 12 គ្រាប់ ក្នុងចំណោមគ្រាប់បាល់សរុប 14 គ្រាប់របស់​អង់គ្លេស​នៅក្នុង​ព្រឹត្តិការណ៍នេះ។ ទោះជាយ៉ាងណាក៏ដោយ អង់គ្លេសមានពេលសម្រាកតិចជាងបារាំងមួយថ្ងៃ ហើយពួកគេក៏ទើបតែប្រឹងលេងពេញ 120​ នាទីទល់នឹងន័រវែសក្នុងវគ្គប្រាំបីក្រុមចុងក្រោយផងដែរ។ ភាពហត់នឿយរបស់កីឡាករសំខាន់ៗអាចនឹងក្លាយជាកត្តា​កាត់សេចក្តី​ដ៏​​ធំបំផុតមួយ។

តើត្រូវរំពឹងអ្វីខ្លះ ពីជំនួបនេះ?

តាមប្រវត្តិសាស្ត្រ បារាំង និងអង់គ្លេសធ្លាប់ជួបគ្នា 32 ដងរួចមកហើយ។ អង់គ្លេសមានប្រៀបជាងដោយដណ្តើមបានជ័យជម្នះ 17 ដង ខណៈ​បារាំងឈ្នះ 10 ដង និងបញ្ចប់ក្នុងលទ្ធផលស្មើចំនួនប្រាំដង។

ក្រុមទាំង​ពីរធ្លាប់តទល់គ្នាចំនួនបីដងរួចមកហើយនៅក្នុងព្រឹត្តិការណ៍បាល់ទាត់កម្រិតពិភពលោក។ ក្រុមតោកំណាចអង់គ្លេស​​ដណ្តើម​បាន​​ជ័យ​ជម្នះកាលពីឆ្នាំ 1966 និងឆ្នាំ 1982 ខណៈដែលបារាំងបានសងសឹកយកឈ្នះវិញក្នុងលទ្ធផល 2-1 នៅ​ក្នុង​វគ្គ​ប្រាំបី​ក្រុម​ចុង​ក្រោយ​កាលពីឆ្នាំ 2022។ នៅនាទីចុងក្រោយនៃការប្រកួតនោះ កីឡាករ Harry Kane បានទាត់បាល់ប៉េណាល់ទីខុសគោលដៅ ដែល​បាន​បំផ្លាញក្តីសង្ឃឹមក្នុងការអូសបន្លាយការប្រកួតទៅដល់ម៉ោងបន្ថែម។

សម្រាប់ការប្រកួតនេះ គឺគ្មានក្រុមណាដែលមានប្រៀបដាច់ឆ្ងាយនោះទេ ទោះបីជាអ្នកវិភាគផ្តល់ទំនុកចិត្តទៅខាងក្រុម​បារាំង​បន្តិច​ក៏ដោយ​ ដូចដែលបានបង្ហាញតាមរយៈហាងឆេងរបស់ 1xBet ៖

●      បារាំងឈ្នះ – 1.96

●      ស្មើ – 3.97

●      អង់គ្លេសឈ្នះ – 3.95

កុំរំលងជំនួបកាត់សេចក្តីដ៏កក្រើកនេះឱ្យសោះ ហើយចូលរួមគាំទ្រក្រុមដែលអ្នកពេញចិត្តទាំងអស់គ្នា!