រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា នៅវេលាម៉ោង១០និង៣៥នាទីព្រឹកថ្ងៃទី២៤ កក្កដានេះ ផ្ទះមួយខ្នងបានត្រូវអគ្គិភ័យឆាបឆេះនៅតាមបណ្តោយផ្លូវសុធារស សង្កាត់ទន្លេបាសាក់ ខណ្ឌចំការមន ។
សេចក្តីរាយការណ៍បានបន្តថា នៅពេលនេះរថយន្តពន្លត់អគ្គិភ័យ៥គ្រឿងកំពុងអន្តរាគមន៍បាញ់ពន្លត់អគ្គិភ័យដែលមិនទាន់ដឹងពីមូលហេតុនេះនៅឡើយ ៕
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីលើកមុន អ្នកលក់លតឆា សង្ស័យឈ្លោះដណ្តើមម៉ូយគ្នាបង្កហិង្សា រហូតដុតបំផ្លាញរទេះលតឆាឆេះខ្ទេចគ្មានសល់ គួររំលឹកផងដែរថា អណ្តាតភ្លើងសន្ធោសន្ធៅ ខ្មួលខ្មាញ់ឆេះចេញពី រទេះលក់លតឆាមួយ ដែលត្រូវគេលួចដុតចោល កាលពីវេលាម៉ោង១៖២០នាទីឈានចូលថ្ងៃទី២២ ខែកក្កដា ឆ្នាំ២០១៦ កន្លងទៅ នៅចំណុចជិតកំពង់ចម្លងអរិយក្សត្រ ស្ថិតក្នុងសង្កាត់ចតុមុខ ខណ្ឌដូនពេញ។
តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុ គឺវេលាល្ងាចថ្ងៃទី២១ កក្កដា ឆ្នាំ២០១៦ មានការឈ្លោះគ្នារវាងបងប្អូនអ្នកលក់ប្រហិតចៀន លតឆា នៅជិតកំពង់ចម្លងអរិយ្យក្សត្រ រហូតឈានដល់ការប្រើអំពើហិង្សាវាយតប់គ្នាបែករបស់របរជាច្រើន ហើយក៏ស្ងប់ទៅវិញទៅ។
ប្រភពដដែលបន្តបានទៀតថា បន្ទាប់ពីត្រូវគេវាយខ្ទេចខ្ទីរបស់របររួចមក ម្ចាស់រទេះលក់លតឆា ប្រហិតចៀនបានគ្របរទេះចោល មិនមានធ្វើការលក់ដូរទេ។ ស្រាប់តែនៅវេលាកើតហេតុខាង ក៏មានការផ្អើលឆោឡោរទេះឆេះតែម្តង។
ក្រោយពេលកើតហេតុម្ចាស់រទេះ បានទៅដាក់ពាក្យបណ្តឹង នៅប៉ុស្តិ៍នគរបាលចតុមុខ ដើម្បីឲ្យសម្ថកិច្ចជួយរកមុខអ្នក ដែលលួចដុតរទេះ ដើម្បីឲ្យចេញសងថ្លៃខូចខាត និងជំងឺចិត្តដល់ម្ចាស់រទេះវិញ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
