ហាងនំបុ័ងបាយ័ន អូរបែកក្អម មានបញ្ចុះតម្លៃ៥០% ក្នុងឱកាសសម្ពោធបើកដំណើរការឡើងវិញ

ភ្នំពេញ៖ ហាងនំបុ័ងបាយ័ន ជាហាងនំបុ័ងដែលមានយីហោក្នុងស្រុក មានប្រជាប្រិយភាពដំបូងបង្អស់នៅក្នុងប្រទេសកម្ពុជា និងមានប្រវត្តិជិត២០ឆ្នាំមកហើយ។ ហាងនំបុ័ងបាយ័ន ទទួលបានការគាំទ្រយ៉ាងច្រើនពីសំណាក់អតិថិជនទាំងចាស់ ទាំងក្មេង មិនត្រឹមតែនៅក្នុងប្រទេសប៉ុណ្ណោះទេ ក៏មានអតិថិជនពីប្រទេសជិតខាងផងដែរ។

ហាងនំបុ័ងបាយ័ន តែងតែយកចិត្តទុកដាក់លើអតិថិជនគ្រប់ស្រទាប់វណ្ណៈ និងព្យាយាមរិះរកផលិតផលថ្មីៗ ដើម្បីបំពេញតម្រូវការរបស់អតិថិជននាពេលបច្ចុប្បន្ន។ ដោយហេតុនេះហើយ ទើបហាងនំបុ័ងបាយ័ន អូរបែកក្អម បានផ្អាកដំណើរការមួយរយៈ ដើម្បីធ្វើការរចនាហាងឡើងវិញឲ្យកាន់តែប្រណិត និងផ្តល់ផាសុកភាពដល់អតិថិជនបន្ថែមទៀត ។

នៅថ្ងៃទី២៩ ខែសីហា នេះ ហាងនំបុ័ងបាយ័ន អូរបែកក្អម នឹងសម្ពោធបើកដំណើរឡើងវិញ ជាពិសេសទៅទៀត គឺមានការបញ្ចុះតំលៃ៥០% គ្រប់នំទាំងអស់ផងដែរ។ ក្រៅពីនេះ ចាប់ពីម៉ោង៥:៣០នាទីល្ងាចតទៅ ក៏មានកម្មវិធីកម្សាន្តសប្បាយៗដូចជា ការលេងហ្គេមប្រកួតញុាំនំបុ័ង និងការសម្តែងចម្រៀងដោយកញ្ញាសុភ័ក្រ កុសុម៉ា ផងដែរ។

រូបភាពខាងក្រោមជាសាខាថ្មីរបស់ហាងនំបុ័ងបាយ័ន៖

• ទីកន្លែង
• បញ្ចុះតម្លៃ