(កំពង់ធំ)៖ ដោយមានការសម្របសម្រួល ពីព្រះរាជអជ្ញាអមសាលាដំបូង ខេត្តកំពង់ធំ លោកឧត្តមសេនីយ៍ត្រី អ៊ុក កុសល ស្នងការនគរបាលខេត្ត បានបញ្ជាឲ្យកម្លាំងជំនាញការិយាល័យប្រឆាំងបទល្មើសសេដ្ឋកិច្ច ចុះបង្ក្រាបបទល្មើសដឹកឈើ ខុសច្បាប់មួយ នៅចំណុចភូមិខោស ឃុំទំរីង ស្រុកសណ្ដាន់ ខេត្តកំពង់ធំ បានឃាត់រថយន្តកែច្នៃ ១គ្រឿង និងអ្នកបើកបរ ១នាក់ ឈើក្តារបន្ទះចំនួន ៥៥០សន្លឹក ស្មើ ៨.៨ម៉ែត្រគួប។
ភ្នាក់ងារព័ត៌ Fresh News បានឲ្យដឹងថា ប្រតិបត្តិការនេះធ្វើឡើងយប់ថ្ងៃទី១១ ខែវិច្ឆិកា ឆ្នាំ២០១៧ លុះព្រឹកថ្ងៃទី១២ ខែវិច្ឆិកា កម្លាំងជំនាញបានកសាងសំណុំរឿងតាមនីតិវិធី ប្រគល់ទាំងអ្នកបើកបរ រថយន្តដឹកឈើ និងឈើទាំងអស់ជូនផ្នែករដ្ឋបាល ព្រៃឈើចាត់ការបន្ត៕
ប្រភព៖ freshnews
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
