បនស្រីមួយនៅប៉ារីស បើករកស៊ីសេវាកម្មតុក្កតាបម្រើផ្លូវភេទ

ប៉ារីស៖ ផ្ទះបនមួយកន្លែងស្ថិតនៅទីក្រុងប៉ារីស ត្រូវបានបើកឲ្យដំណើរការ នូវសេវាកម្មតុក្កតាបម្រើផ្លូវភេទ ដំបូងគេបង្អស់នៅប្រទេសបារាំង កាលពីពេលថ្មីៗនេះ។

បនស្រីខាងលើ ត្រូវបានផ្តួចផ្តើមឡើង ពីសំណាក់ពិធីកររបស់កម្មវិធីទូរទស្សន៍ Spuiten en Slikken ជាកម្មវិធីមួយ ដែលនិយាយទាក់ទងទៅនឹងជីវិតផ្លូវភេទ។

ផ្ទះបននេះ ចែកចេញជាច្រើនបន្ទប់ និងបំពាក់ដោយតុក្កតាបម្រើសេវាផ្លូវភេទ ដែលផលិតចេញពីស៊ីលីកូន ចំនួនបួនប្រភេទសម្រាប់ជ្រើសរើស មានរូបរាង ទំហំ និងពណ៌សម្បុរខុសៗគ្នា។

រីឯតម្លៃវិញ ភ្ញៀវនីមួយៗត្រូវចំណាយថវិកាចំនួន ៣០ អឺរ៉ូ ឬប្រមាណជា ៣៧ ដុល្លារអាមេរិក ដើម្បីរីករាយកម្សាន្តជាមួយនឹងតុក្កតាបម្រើផ្លូវភេទមួយក្នុងចំណោមនោះ។

គួរឲ្យដឹងថា សន្ទុះនៃការប្រើប្រាស់តុក្កតាបម្រើផ្លូវភេទ បានកើនឡើងគួរឲ្យកត់សំគាល់ នៅទ្វីបអឺរ៉ុប ក្នុងរយៈពេលប៉ុន្មានឆ្នាំចុងក្រោយនេះ។

ជាក់ស្តែង បនស្រី និងក្លឹបកម្សាន្តនានា ដែលបើកឲ្យមានសេវាកម្មតុក្កតាបម្រើផ្លូវភេទ បាននិងកំពុងកើនឡើងជាលំដាប់ ដូចជានៅចក្រភពអង់គ្លេសក្នុងរយៈពេលថ្មីៗនេះ និងនៅសង្កាត់ភ្លើងពណ៌ទីក្រុង អាំស្ទែដាំ នៃប្រទេសហូឡង់ជាដើម។ ក្រៅពីនេះ គេថែមទាំងឃើញមាន​នៅ​ប្រទេសអេស្ប៉ាញ អូទ្រី​ស និងអាល្លឺម៉ង់ផងដែរ។

អ្នកនាំពាក្យម្នាក់ឈ្មោះ Thijis Verheij បានឲ្យដឹងថា នៅរយៈពេល ៣០ ឆ្នាំ ខាងមុខ ការរួមភេទជាមួយនឹងតុក្កតាទាំងនេះ នឹងក្លាយជាទម្លាប់ធម្មតាជាក់ជាពុំខាន ៕