ពិធីបុណ្យក្រូចនៅបារាំងឆ្នាំនេះ ធ្វើតាមរចនាបថឥណ្ឌា ជាមួយរូបសំណាកធ្វើពីផ្លែក្រូចជាច្រើន គួរឲ្យចង់ទស្សនា

បារាំង៖ ពិធីបុណ្យក្រូចលើកទី ៨៥ ត្រូវបានប្រារព្ធឡើងនៅភាគអាគ្នេយ៍នៃប្រទេសបារាំង ដែលមានរចនាបថបែបឥណ្ឌាជាមួយនឹងរូបសំណាក ធ្វើឡើងពីក្រូចឆ្មារ និងក្រូចខ្វិចជាច្រើនផ្លែ  និងបានទាក់ទាញការចាប់អារម្មណ៍ពីភ្ញៀវទេសចរមិនតិចឡើយ។

អ្នករៀបចំកម្មវិធីដ៏ធំ ដែលបានប្រារព្ធឡើងតាំងពីឆ្នាំ ១៩២៨ មក នៅក្នុងតំបន់ Menton នេះ បានប្រើប្រាស់ ក្រូចឆ្មារ ក្រូចខ្វិច និងក្រូចថ្លុង អស់ចំនួន ១៤០ តោន ដើម្បីតុបតែងនៅក្នុងកម្មវិធីទាំងមូល។

គួរបញ្ជាក់ថា Menton ស្ថិតនៅក្នុងតំបន់ French Riviera ដែលជាតំបន់ដាំដុះដើមក្រូចឆ្មារធំបំផុតមួយនៅលើពិភពលោក ហើយរហូតមកដល់ឆ្នាំ ១៩៣០ តំបន់ Menton បានក្លាយជាទីកន្លែងដែលផ្គត់ផ្គង់ក្រូចឆ្មារធំជាងគេនៅទីផ្សារអ៊ឺរ៉ុប។

គួរឲ្យដឹងថា អាកាសធាតុក្តៅល្មមពេញមួយឆ្នាំ និងទីតាំងដ៏ពិសេសដែលស្ថិតនៅតាមជួរភ្នំ គឺជាមូលហេតុចំបងដែលធ្វើឲ្យតំបន់ Menton អំណោយផលទៅលើការដាំដុះដំណាំផ្លែក្រូច៕  

សូមទស្សនាទិដ្ឋភាពក្នុង ពិធីបុណ្យក្រូច លើកទី ៨៥ នៅប្រទេសបារាំងតាមរយៈរូបភាពខាងក្រោម៖ 

• ទីកន្លែង