ខេត្តមណ្ឌលគិរី ៖ សេចក្តីរាយការណ៍ឱ្យដឹងថា មនុស្ស១០នាក់រួមទាំងមាន់អាគកជាច្រើនក្បាល ត្រូវកម្លាំងនគរបាលព្រហ្មកម្រិតស្រាលនៃស្នងការដ្ឋានខេត្ត សហការជាមួយកម្លាំងសមត្ថកិច្ចមូលដ្ឋាន ចុះបង្ក្រាបបាន កាលពីល្ងាចថ្ងៃទី០៩ មីនា ស្ថិតនៅឃុំក្រង់កេះ ស្រុកពេជ្រាដា ។
លោកស៊ុម សោភ័ណ្ឌ នាយករិយាល័យព្រហ្មទណ្ឌកម្រិតស្រាលបានឲ្យដឹងថា ដោយទទួលបានបទបញ្ជាពីលោកឧត្តមសេនីយ៍ត្រី ឡោ សុខា ស្នងការខេត្ត និងក្រោមការសម្របសម្រួលពីលោកព្រះរាជអាជ្ញារអមសាលាដំបូងខេត្ត កម្លាំងជំនាញបានចុះទៅដល់ទីតាំងដែលបានលួចលាក់បើកសង្វៀនបញ្ជល់មាន់ខុសច្បាប់មួយកន្លែង ស្ថិតត្រង់ចំណុចអូរតេ ក្នុងភូមិពូរ៉ាប៉ែត ឃុំក្រង់តេះ ស្រុកពេជ្រាដា ។ នៅពេលចុះទៅដល់ភ្លាមៗ សមត្ថកិច្ចបានចាប់ឃាត់មនុស្សចំនួន១០នាក់ ម៉ូតូចំនួន១១គ្រឿង មាន់ចំនួន៥ក្បាល និងទ្រុងចំនួន១០ ។
លោកឧត្តមសេនីយ៍ត្រី សូ សុវណ្ណ ស្នងការរងនគរបាលខេត្តឱ្យដឹងថា យោងតាមបញ្ជារបស់លោកព្រះរាជអាជ្ញារង សមត្ថកិច្ចបានដោះលែងមនុស្សចំនួន៩នាក់ ឱ្យវិលត្រឡប់ទៅផ្ទះវិញ ក្រោយសមត្ថកិច្ចអប់រំ និងឱ្យធ្វើកិច្ចសន្យាបញ្ឈប់ការលែងល្បែងស៊ីសងបន្តទៀត ។ ដោយឡែក ឈ្មោះ ផុង ប្រុស អាយុ៤៤ឆ្នាំ ដែលជាម្ចាស់ទីតាំងបើកលេងល្បែងជល់មាន់ ត្រូវសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
