ក្នុងថ្ងៃគម្រប់ខួប១ឆ្នាំ កូនភ្លោះ Chompoo ធ្វើឡើងពោរពេញ ដោយសុភមង្គល (មានវីដេអូ)

ថៃ៖ តារាសម្តែងស្រីថៃដ៏មានឈ្មោះបោះសម្លេងនៅក្នុងវិស័យសិល្បៈ អ្នកនាង Chompoo Araya ក្រោយពីបានរៀបការសាងសុភមង្គល និងទទួលបានគ្រាប់ពេជ្រមួយគូ កូនភ្លោះដែលមានមានមុខមាត់គួរឲ្យស្រលាញ់រួច ឃើញថាជីវិតគ្រួសាររបស់នាង ក៏កាន់តែធ្វើឲ្យមហាជនជាច្រើនច្រណែនគ្រប់គ្នា។

ដោយសារតែភាពកក់ក្តៅ ក៏ដូចជាភាពផ្អែមល្ហែម ដែលស្វាមីរបស់នាងបានផ្តល់ឲ្យ និងជីវិតដ៏ហាយសូររបស់តារាលំដាប់រូបនេះ ក៏បានធ្វើឲ្យអ្នកគាំទ្រលួចមើល និងចង់បានជីវិតដូចគ្នាគ្រប់គ្នា។

មកទល់នឹងពេលនេះ កូនភ្លោះទាំងពីររបស់នាងក៏មានអាយុ១ឆ្នាំហើយ មិនត្រឹមតែប៉ុណ្ណោះតារារូបនេះក៏បានធ្វើគម្រប់ខួបកូនៗរបស់ខ្លួន នៅក្នុងផ្ទះ ដែលមានការរៀបចំបានយ៉ាងល្អ ក្រោមការជួបជុំជាមួយនឹងគ្រួសារជាច្រើនទៀត មើលទៅពិតជាមានសុភមង្គល និងពោរពេញដោយសា្នមញញឹមតែម្តង។

រាល់រូបភាពនីមួយៗ ក៏ដូចជាវីដេអូដែលបានបង្ហាញ ពីទិដ្ឋភាពនៅក្នុងពិធីគម្រប់ខួបមួយនេះ ក៏បានធ្វើឲ្យអ្នកគាំទ្រជាច្រើន សរសើរដល់នាងគ្រប់គ្នា ដែលមិនត្រឹមតែជាភរិយាល្អ ថែមទាំងជាម្តាយដ៏ល្អសម្រាប់កូនៗទាំងពីរថែមទៀត៕

ចង់ជ្រាបកាន់តែច្បាស់សូមទស្សនារូបភាព និងវីដេអូខាងក្រោមនេះ៖ 

• តារាថៃ