ថៃ៖ តារាសម្តែងប្រុសSiwat Chotchaicharin និងតារាស្រីAmy Klinpratoom និយាយបានថាជាគូស្នេហ៍ស្វាមីភរិយាតារាមួយគូ ដែលតែងតែផ្តល់ភាពផ្អែមល្ហែមឲ្យគ្នាទៅវិញទៅមកមិនលស់ពេល។
ជាក់ស្តែងកាលពីថ្ងៃទី០៨ ខែមិថុនា ទើបកន្លងទៅថ្មីៗនេះ លោកSiwat បានផុសអបអរគម្រប់ខួបអាពាហ៍ពិពាហ៍ឆ្នាំ៥ នៅក្នុងអ៊ីនស្តារក្រាមផ្ទាល់ខ្លួន ដោយភ្ជាប់ជាមួយសំណេរដ៏មានអត្ថន័យទៅកាន់ភរិយា យ៉ាងដូច្នោះថា៖
«៩ឆ្នាំដែលទាក់ទងគ្នា និង ៥ឆ្នាំដែលរៀបការប្រើប្រាស់ជីវិតគូរួមគ្នា។ ពួកយើងមានទាំងសុខ ទាំងទុក្ខ ទាំងសើច ទាំងយំ ឆ្លងកាត់រឿងរ៉ាវជាច្រើន។ តែសេចក្តីស្រលាញ់របស់ពួកយើងមិនល្អឥតខ្ចោះគ្រប់យ៉ាងនោះទេ ពេលខ្លះខឹងគ្នា ងរគ្នាជារឿងធម្មតារបស់ជីវិតប្តីប្រពន្ធ។ ក្តីស្នេហារបស់ពួកយើងបែបងាយៗ Amyតែងតែស្តាប់ពាក្យនៅចិត្តរបស់ខ្ញុំ បន្ទាប់មកនាងចែករំលែករឿងល្អមកខ្ញុំវិញដូចគ្នា។ រាល់ថ្ងៃនាងតែងតែចាក់ទឹកឲ្យខ្ញុំញាំ ដោយមិនចាំបាច់មានការស្នើសុំ ហើយនៅមានរឿងជាច្រើនទៀតដែលបានធ្វើឲ្យខ្ញុំដឹង ទីណាដែលមានAmy ទីនោះជាកន្លែងដែលកក់ក្តៅខ្លាំងបំផុត។ ទោះបីជាមានរឿងអ្វីកើតឡើង ក៏មិនអាចមកបំបែកបំបាក់ក្តីស្រលាញ់ខ្ញុំ និងនាងបានឡើយ»។
ក្រោយពីបានឃើញបែបនេះ មានអ្នកគាំទ្រ និងមិត្តរួមសិល្បៈជាច្រើនចូលទៅComment សរសើរពីក្តីស្នេហារបស់ពួកគេទាំងពីរ ដែលមើលថែគ្នាបានយ៉ាងល្អ និងនៅតែមានភាពផ្អែមល្ហែមចំពោះគ្នាទៅវិញទៅមក៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
