ភ្នំពេញ៖ ក្រៅពីអាជីពជាអ្នកសិល្បៈ តារាស្រីដ៏មានប្រជាប្រិយភាពកញ្ញា ឌួង ហ្សូរីដា ពិតជាមិនធម្មតាមែន ដោយថ្វីត្បិតតែបច្ចុប្បន្ននាងបានស្ងាត់ពីវិស័យសិល្បៈក្នុងនាមជាពិធីការិនីបន្តិចមែន ប៉ុន្តែសម្រាប់ការធ្វើជំនួញវិញ កញ្ញាពិតជាទទួលបាននូវភាពជោគជ័យយ៉ាងខ្លាំង មិនថាមុខជំនួញខាងលក់សម្លៀកបំពាក់ កាបូប និងគ្រឿងសម្អាង ឬការងារមនុស្សធម៌នៅក្នុងសង្គមប៉ុណ្ណោះទេ។
ដោយថ្មីៗនេះកញ្ញា ឌួង ហ្សូរីដា បានបោះទុនជាង១៥ម៉ឺនដុល្លារ ដើម្បីទិញសិទ្ធក្លាយជាម្ចាស់ហាងកាហ្វេប្រេន Tube Coffee ដែលមានទីតាំងស្ថិតនៅក្នុងខណ្ឌឬស្សីកែវ រាជធានីភ្នំពេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![](https://s5.kh1.co/9a/9a56c746052274c889ed079738395d46c4be0514.jpg)
កញ្ញា ឌួង ហ្សូរីដា បានប្រាប់ថាហេតុផលដែលនាងសម្រេចទិញប្រេន Tube Coffee គឺដោយសារតែអ្នកម្ដាយរបស់កញ្ញាជាប់ចិត្ត និងពេញចិត្តយ៉ាងខ្លាំងជាមួយនឹងរសជាតិកាហ្វេថ្នល់ ក៏ដូចជាភេសជ្ជៈដទៃទៀតជាច្រើនមុខផងដែរដូចជា តែទឹកឃ្មុំក្រូចឆ្មា ដែលមានរសជាតិជូរអែម ធ្វើឲ្យអារម្មណ៍ស្រស់ស្រាយ, តែម៉ាចឆាបៃតងក្រឡុក ដែលផ្សំឡើងពីទឹកដោះគោស្រស់មានរសជាតិឆ្ងាញ់, តែទឹកដោះគោក្រហម និងតែទឹកដោះគោបៃតង, ទឹកផាសសិនស្រស់ ផ្សំចេញពីផាសសិនស្រស់ៗជាដើម។
បន្ទាប់ពីរៀចំតុបតែងហាង និងដេគ័រផ្សេងៗទៀតរួចរាល់រួចកញ្ញា ដួង ហ្សូរីដា ប្រកាសថាគ្រោងនឹងបើកសម្ពោធជាផ្លូវការនៅក្នុងខែតុលា ឬខែវិច្ឆិកា ខាងមុខនេះហើយ។
ប៉ុន្តែទោះបីជាយ៉ាងនេះក្តីកញ្ញាថា វាមិនមែនជារឿងងាយស្រួលនោះទេ ក្នុងការបើកប្រេនកាហ្វេមួយនេះ ព្រោះទោះបីជាវាត្រូវបានបង្កើតឡើងដោយអ្នកជំនាញក្នុងស្រុកក៏ពិតមែន តែទម្រាំអាចទិញសិទ្ធិមកបើកផ្ដាច់មុខបាន គឺត្រូវចំណាយពេលយូរគួរសម មិនមែនឱ្យតែមានប្រាក់ គឺអាចទិញសិទ្ធិមកបើកលក់បានងាយៗនោះទេ។ នាងថា មុននឹងឈាននឹងដល់ការបើកសាខាថ្មីម្ចាស់ប្រេន Tube Coffee ផ្ទាល់ក៏បានចុះមកសិក្សាស្រាវជ្រាវមុននឹងប្រគល់សិទ្ធិឱ្យបើកហាង។
គួរឱ្យដឹងដែរថា សាខា Tube Coffee នៅក្នុងខណ្ឌឫស្សីកែវរបស់កញ្ញា ឌួង ហ្សូរីដា ដែលគ្រោងនឹងបើកដំណើរការនាពេលឆាប់ៗខាងមុខនេះ គឺជាសាខាទី១២ ហើយ។ ដូច្នេះសម្រាប់ប្រិយមិត្តដែលជាហ្វេនៗរបស់ Tube Coffee និងជាហ្វេនៗរបស់កញ្ញា ឌួង ហ្សូរីដា កុំភ្លេចទៅគាំទ្រទាំងអស់គ្នាណា៎៕
![](https://s5.kh1.co/0c/0cd36d0a1f9953eabfa84b4cfb6aef0bc4edd8cf.jpg)
![](https://s5.kh1.co/de/de47991203a075ca62d12c3e03999f3fde989fbc.jpg)
![](https://s5.kh1.co/6e/6e218dd171d2ad64550085e6fdd93737b9be9b98.jpg)
![](https://s5.kh1.co/40/40f9caf2a8523da31abd92a228732254c400544c.jpg)
![](https://s5.kh1.co/8c/8c26e7348e3af6fae059e0f90b47fb43ab48c4a5.jpg)
![](https://s5.kh1.co/21/21a7ea6a24bb171a85be6e4d69c16ad6b8045cd6.jpg)
![](https://s5.kh1.co/96/96179581063a34b63a2e31f8f7fd85ca1d92ecaa.jpg)
![](https://s5.kh1.co/87/873062a0060b52832cc623577e1dab6572d11877.jpg)
![](https://s5.kh1.co/e0/e03ade46c368bf48c55abe0287accafdec339cdf.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]