ហេតុផល ៤យ៉ាង ស្រីៗមករដូវចេះតែមានអារម្មណ៍ធេងធោង!

បើយើងសាកសួរពីរឿងមករដូវ ទំនងជាមានស្រីៗជាច្រើនច្បាស់ជានិយាយថាការមករដូចជារឿងគួរឲ្យរំខានមួយ ព្រោះ វាធ្វើឲ្យឈឺចាប់ និងអារម្មណ៍ប្រែប្រួលផង។ ក្រៅពីនេះ ស្រីៗខ្លះអាចត្អួញត្អែរថាមានអាការរៈធេងធោងទៀតផង។

មូលហេតុនាំឲ្យស្រីៗយើងជួបអាការៈវិលមុខធេងធោងពេលមករដូវនេះ អាចថាមានច្រើន តែក្នុងនោះការប្រែប្រួលអ័រម៉ូនក៏ជារឿងមួយដែរ។ ខាងក្រោមនេះជាហេតុផលបួនយ៉ាងធ្វើឲ្យស្រីៗយើងមានអារម្មណ៍ថាវិលមុខពេលមករដូវម្ដងៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. អារៈឈឺរមួលក្នុងពោះ

អាការៈឈឺរមួលក្នុងពោះនេះ អាចថាជាហេតុផលនៅពីក្រោយអាការៈវិលមុខនេះដែរ។ អាការៈឈឺរមួលនេះ មានតាំងពីកម្រិតស្រាល ទៅដល់កម្រិតធ្ងន់ នៅពេលដែល អាការៈនេះកាន់តែអាក្រក់ ស្រីៗយើងខ្លះសឹងតែមិនអាចដើរបានផង ហើយក៏អាចនាំឲ្យស្រីៗយើងធេងធោងវិលមុខផងដែរ។

២. ស្លេកស្លាំង

ការស្លេកខ្លាំងខ្វះជាតិដែក ជាលក្ខខណ្ឌមួយធ្វើឲ្យរាងកាយមិនអាចផលិត និងរក្សាកោសិកាឈាមក្រហមបានល្អ។ ការធ្លាក់ឈាមរដូវច្រើនពេលមករដូវ អាចនាំឲ្យស្រីៗយើងជួបបញ្ហាស្លេកស្លាំង និងជាលទ្ធផលនាំឲ្យកើតមានអាការៈវិលមុខ និងធេងធោង។

៣.ការមករដូវទាក់ទងនឹងការឈឺក្បាលប្រកាំង

តាមការប៉ាន់ស្មានមនុស្សស្រីប្រហែលជា៦០ភាគរយជួបបញ្ហាឈឺក្បាលប្រកាំងអំឡុងពេលមករដូវ អាចដោយសារមកពីមានការប្រែប្រួលកម្រិតអ័រម៉ូន។ ការឡើងចុះនៃកម្រិតអ័រម៉ូនអឺស្រ្តូសែន អាចនាំឲ្យកើតមានអាការៈឈឺក្បាលប្រកាំងបាន ហើយក៏អបមកជាមួយនឹងអាការៈវិលមុខផងដែរ។

៤. សម្ពាធឈាមទាប

សម្ពាធឈាមទាប ជាហេតុផលទូទៅបំផុតមួយនៅពីក្រោយអាការៈវិលមុខ ហើយសម្ពាធឈាមអាចចុះទាបនៅពេលស្រីៗយើងកំពុងមករដូវ។ ការសិក្សាបង្ហាញថាអ័រម៉ូនភេទជាអ្នកគ្រប់គ្រងលើសម្ពាធឈាម ដែលនាំឲ្យមានកើតជាអាការៈវិលមុខនេះឯង។

អ័រម៉ូនភេទ ដូចជាអ័រម៉ូនអឺស្រ្តូសែន ត្រូវគេដឹងថាជួយដល់ការឡើងសម្ពាធឈាម ហើយវាក៏អ្នកបញ្ចុះសម្ពាធឈាមដូចគ្នា។ ពេលស្រីៗយើងមករដូវ អ័រម៉ូនអឺស្រ្តូដែនឡើងខ្ពស់ ហើយធ្វើឲ្យសម្ពាធឈាមយើងចុះទាបវិញ ដែលនាំឲ្យមានអាការៈវិលមុខធេងធោង។

ជាធម្មតាស្រីៗយើងគ្មានអ្វីត្រូវបារម្ភចំពោះអាការៈវិលមុខពេលមករដូវនេះទេ តែថាបើអាការៈមើលទៅខុសប្រក្រតីណាមួយ គួរពិគ្រោះជាមួយគ្រូពេទ្យដើម្បីបានដឹងពីស្ថានភាពសុខភាពបានច្បាស់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ហេតុផល ៤យ៉ាង ស្រីៗមករដូវចេះតែមានអារម្មណ៍ធេងធោង!

១. អារៈ​ឈឺ​រមួល​ក្នុង​ពោះ

២. ស្លេក​ស្លាំង​

៣.​ការ​មក​រដូវ​ទាក់ទង​នឹង​ការ​ឈឺក្បាល​ប្រកាំង

៤.​ សម្ពាធ​ឈាម​ទាប

In Case You Missed It

១. អារៈឈឺរមួលក្នុងពោះ

២. ស្លេកស្លាំង

៣.ការមករដូវទាក់ទងនឹងការឈឺក្បាលប្រកាំង

៤. សម្ពាធឈាមទាប