ទឹកចិត្តប្រពៃណាស់! តារាខ្មែរប៉ុន្មានរូបនេះ​ បរិច្ចាគលុយជូន សម្តេចតេជោ ហ៊ុន សែន ទិញវ៉ាក់សាំងកូវីដ១៩

ភ្នំពេញ៖ កាលពីល្ងាចថ្ងៃទី ៧ ខែ ធ្នូ ម្សិលមិញនេះ ផេកសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញសេចក្ដីំណែនាំដល់ក្រសួងសុខាភិបាល និងក្រសួងសេដ្ឋកិច្ច ត្រៀមថវិកាសម្រាប់ការទិញវ៉ាក់សាំងកូវីដ-១៩ មួយលានដូស ក្នុងដំណាក់កាលដំបូងដើម្បីចាក់ជូនចំពោះអ្នកដែលធ្វើការនៅកន្លែងដែលមាន ហានិភ័យខ្ពស់ និងអ្នកដែលមានហានិភ័យពីជំងឺមួយនេះ ដោយឥតគិតថ្លៃ។  

បន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញសេចក្ដីណែនាំ មិនបានប៉ុន្មានម៉ោងផង ក៏មានឧកញ៉ាល្បីៗប្រចាំកម្ពុជា បានបរិច្ចាគថវិកាខ្ទង់លានដុល្លារភ្លាមៗ ដើម្បីជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងជំងឺវីរុសកូវីដ-១៩នេះ។ មិនត្រឹមតែមានលោកឧកញ៉ាល្បីៗប៉ុណ្ណោះទេ ដែលបានបរិច្ចាគលុយ តែក៏មានសិល្បករ សិល្បការិនីខ្មែរ ៥រូបផងដែរ ដែលហានចំណាយលុយផ្ទាល់ខ្លួនបរិច្ចាគ ដើម្បីទិញវ៉ាក់សាំងជំងឺវីរុសកូវីដ-១៩។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ស្ទើរតែគ្រប់ពេលវេលា គេសង្កេតឃើញតារាខ្មែរតែងតែសាមគ្គីគ្នា ប្រមូលថវិកាផ្ទាល់ និងកម្លាំងដើម្បីជួយប្រទេសជាតិ ពេលជួបអាសន្នម្ដងៗ។ ហើយលើកទង្វើល្អ បែបនេះ បានធ្វើឲ្យមហាជនកោតសរសើរពីទឹកចិត្តប្រពៃរបស់តារាខ្មែរយើងគ្រប់គ្នាតែម្ដង។ ក្នុងនោះដែរ សិល្បករ សិល្បការិនីខ្មែរ ដែលបានបរិច្ចាគលុយសម្រាប់ទិញទិញវ៉ាក់សាំងជំងឺវីរុសកូវីដ-១៩នោះ មានដូចជា៖ 

ទី១៖ អ្នកនាង ចនច័ន្ទ លក្ខិណា និងលោក ហេង ឡុង 

អ្នកនាង ចនច័ន្ទ លក្ខិណា និងលោក ហេង ឡុង បានបរិច្ចាគថវិកា ១ពាន់ដុល្លារ ជូនសម្ដេចតេជោ ហ៊ុន សែនដើម្បីទិញវ៉ាក់សាំងកូវីដ-១៩ ចែកឥតគិតថ្លៃជូនប្រជាពលរដ្ឋ។

ទី២៖ លោក ខេមរៈ សិរីមន្ត 

លោក ខេមរៈ សិរីមន្ត បរិច្ចាគលុយ ៤លានរៀល ជូនសម្ដេចតេជោ ហ៊ុន សែន ដើម្បីទិញវ៉ាក់សាំងកូវីដ១៩ ចែកជូនប្រជាពលរដ្ឋខ្មែរដោយឥតគិតថ្លៃ។

ទី៣៖ លោក ខេម 

លោក ខេម បានបរិច្ចាគថវិកាជូនសម្តេចតេជោ ហ៊ុន សែន ចំនួន ១០លានរៀល ដើម្បីទិញវ៉ាក់សាំងកូវីដ-១៩។

ទី៤៖ កញ្ញា តន់ ច័ន្ទសីម៉ា

កញ្ញា តន់ ចន្ទសីម៉ា បានបរិច្ចាគថវិកាជូនសម្តេចតេជោ ហ៊ុន សែន ចំនួន ១០លានរៀល ដើម្បីទិញវ៉ាក់សាំងកូវីដ-១៩។

• ខេមរៈ​ សិរីមន្ត
• ចនច័ន្ទ លក្ខិណា
• ខេម
• តន់ ច័ន្ទសីម៉ា
• ហេង ឡុង
• រូបភាព
• តារាខ្មែរ