ប៉ាច គីមមួយ ជឿជាក់នឹងវាយយកទីផ្សារបទញ៉ាក់នៅឆ្នាំ ២០២១ ក្នុងចំណាត់ថ្នាក់លេខមួយក្នុងប្រទេស

ភ្នំពេញ៖​ នៅក្នុងពិភពសិល្បៈចម្រៀងសម័យបច្ចុប្បន្ន ហាក់នៅមិនទាន់មានតារាចម្រៀងរូបណាក្តោបក្តាប់តំណែងកំពូល ទៅលើប្រភេទបទញ៉ាក់ចំតួនៅឡើយទេ ដោយជាទូទៅ តារាចម្រៀងភាគច្រើនតែងតែ​បត់បែនទៅតាមចម្រៀងជាច្រើនប្រភេទខុសៗគ្នា។
ងាកមកជួបជាមួយតារាចម្រៀងស្រីបានទាំងព្រម មិនថាសម្លេងពីរោះ និងរូបរាងដ៏ស្រស់សោភា របស់ផលិតកម្មរស្មីហង្សមាស កញ្ញា ប៉ាច គីមមួយ បានបង្ហើបប្រាប់មកខាង Khmerload ថា នៅក្នុងឆ្នាំ ២០២១ ខាងមុខនេះ នាងជឿជាក់យ៉ាងមុតមាំថា នឹងវាយយកទីផ្សារបទញ៉ាក់លំដាប់លេខមួយក្នុងប្រទេសតែម្តង ព្រោះនាងបានហ្វឹកហាត់នឹងត្រៀមយ៉ាងពិសេស ទៅលើបទចម្រៀងប្រភេទនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយអ្វីដែលរឹតតែពិសេសនោះ គឺកញ្ញាបានបញ្ជាក់ថាថែមទៀតថា នាងបានទទួលការអនុញ្ញាត ពិភាក្សាជាមួយប្រធានផ្នែកផលិតបទចម្រៀងនៅក្នុងផលិតកម្មរស្មីហង្សមាស រួចរាល់ហើយ ទៅលើការហក់ចូលឲ្យជ្រៅចំពោះប្រភេទបទញ៉ាក់នេះ ព្រោះនាងជឿជាក់ ១០០% លើសមត្ថភាពខ្លួនឯង។ ដោយមានអំណោយផលទាំងសម្លេង ទាំងរូបរាងទៀតផងនោះ ខាងក្រុមហ៊ុនក៏បានបើកភ្លើងខៀវគាំទ្រនាងពេញទី ដើម្បីជ្រេយកតំណែងកំពូលក្នុងប្រភេទបទញ៉ាក់កន្រ្តាក់អារម្មណ៍។

ជាភាពជាក់ស្តែង ម្ចាស់បទ «ស្រលាញ់គ្នាយូរបានទេ?»  រូបនេះ ក៏បានចាប់ផ្តើមបញ្ចេញបទញ៉ាក់បណ្តើរៗហើយ នាពេលថ្មីៗនេះ ដែលមានដូចជាបទ «Fake Friend» និងបទ «ទីត! ទីត!» ជាដើម ឃើញថាមានសន្ទុះគាំទ្រមិនធម្មតាតែម្តង៕

ទស្សនាវីដេអូចម្រៀង បទ «Fake Friend» និងបទ «ទីត! ទីត!» ខាងក្រោម៖ 

• ប៉ាច គីមមួយ
• វីដេអូ
• តារាខ្មែរ