នៅចាំម្ចាស់បទ«ក្រវ៉ាន់សៀមរាប»អត់? ក្រោយបាត់មុខពីសិល្បៈច្រើនឆ្នាំ អ៊ុត ចរិយា ប្រើជីវិតសាមញ្ញ តែមានក្ដីសុខ

ភ្នំពេញ៖ ជាការពិតណាស់ បើនិយាយដល់អតីតតារាចម្រៀងប្រចាំផលិតកម្មរ៉ក់ អ្នកនាង អ៊ុត ចរិយា ដែលជាម្ចាស់បទ  «ក្រវ៉ាន់សៀមរាប» ប្រិយមិត្តភាគច្រើនច្បាស់ជាស្គាល់នាងយ៉ាងច្បាស់រួចមកហើយតាមរយៈការងារសិល្បៈរបស់នាងកាលពីជាង១០ឆ្នាំមុន។ តែក្រោយមក ផលិតកម្មដ៏ធំមួយនោះក៏បិទលែងដំណើរការទៀត ហើយអតីតតារាចម្រៀងរូបនេះក៏បានលាឈប់ពីសិល្បៈទាំងស្រុងផងដែរ ដោយប្ដូរមកប្រកបមុខជំនួញផ្ទាល់ខ្លួនវិញ។  

ទន្ទឹមនឹងនេះ ក្រោយពេលដែលបាត់មុខពីសិល្បៈជាង ១០ឆ្នាំកន្លងទៅ អតីតតារាចម្រៀង  អ៊ុត ចរិយា នៅតែដក់ជាប់ក្នុងចិត្តមហាជនជាច្រើនជាមួយបទចម្រៀងដ៏ពីរោះលន្លង់លន្លោចរបស់នាង ដែលមនុស្សគ្រប់គ្នាតែងតែចាក់ស្ដាប់រហូតដល់សព្វថ្ងៃមិនជិនណាយឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិសេសបើងាកមកមើលពីជីវិតឯកជនរបស់នាងជាមួយគ្រួសារវិញ ហ្វេនៗក៏នៅតែតាមដានរាល់គ្រប់សកម្មភាពនៅលើបណ្ដាញសង្គមផងដែរ។ ដោយក្នុងនោះ យើងក៏ឃើញថា សព្វថ្ងៃអតីតតារាស្រីរូបនេះ មានកូនបីនាក់ទៅហើយ ហើយគ្រួសាររបស់នាងក៏បានរស់នៅជាមួយគ្នាប្រើជីវិតយ៉ាងសាមញ្ញៗ តែក៏មើលទៅមានក្ដីសុខ និងមានសុភមង្គលខ្លាំងមិនចាញ់អ្នកនៅក្នុងរង្វង់សិល្បៈប៉ុន្មាននោះដែរ៕

ទស្សនារូបភាពខាងក្រោម៖

• អ៊ុត ចរិយា
• រូបភាព
• តារាខ្មែរ