អ៊ុក សុវណ្ណារី ក្មេងពិត តែសមត្ថភាពពេញខ្លួន

កម្ពុជា៖ ប្រសិនបើនឹកដល់ឈ្មោះ អ៊ុក សុវណ្ណារី ប្រិយមិត្តហ្វេនៗ​ ប្រាកដជាស្គាល់ច្បាស់ណាស់ ថាតើកញ្ញា អ៊ុក សុណ្ណារី មកពីណា នៅឯណា និង បច្ចុប្បន្នជានរណាផងដែរ។  

រលឹកដល់ប្រវត្តិកញ្ញា អ៊ុក សុវណ្ណារី ដំបូងឡើយ ជាអតីតបេក្ខជនប្រឡងចម្រៀង " The Voice Kids Cambodia​" រដូវកាលទី១។ កញ្ញាគឺជាអតីតកូនក្រុមរបស់តារាចម្រៀងដ៏ឆ្នើម អ្នកនាង សុគន្ធ នីសា នៅពេលដែរ សុវណ្ណារី ត្រូវបានគេវាយតម្លៃថា នឹងទទួលនូវគាំទ្រជាច្រើន និង មានកេរ្តិ៍ឈ្មោះកាន់តែល្បីល្បាញក្នុងសង្គមសិល្បៈ ព្រោះចម្រៀងរបស់នាងមួយៗបានចាក់ទម្លុះបេះដូងអ្នកស្តាប់ ឱ្យអន្លង់អន្លោចទៅតាមសាច់រឿងនៃបទចម្រៀង ហើយអ្វីដែលគួរឱ្យកត់សម្គាល់នោះ ចម្រៀងរបស់នាងភាគច្រើន ត្រូវបានអ្នកស្តាប់ធ្លោយមាត់គ្រប់គ្នាៗថាពិរោះ និង ចាក់ដោតដោយបានឆ្លុះបញ្ចាំងទៅនឹងតថភាពសង្គមពិតៗទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាតារាចម្រៀងវ័យក្មេងប្រចាំផលិតកម្ម Galaxy  កញ្ញា អ៊ុក សុវណ្ណារី ត្រូវបានទទួលគេស្គាល់ និង សារទរក្នុងចម្រៀងមួយដែលមានចំណងជើងថា “ខ្ញុំក្លាយជាអ្នកជំងឺស្នេហា” ទាំងជាតារាចម្រៀង និង តួសម្តែងក្នុងបទចម្រៀងនោះ ដែលពេលនោះ កញ្ញាបានទទួលការគាំទ្រយ៉ាងសម្បើម ពីប្រិយមិត្តអ្នកគាំទ្រដោយបានសរសើរមិនដាច់ពីមាត់ថា សម្តែងសមឥតខ្ចោះបូករួមជាមួយសម្លេងដ៏ពីរោះ។ គួរបញ្ជាក់ផងដែរថា ដែរបទចម្រៀងបង្កប់អត្ថន័យស្នេហាដ៏ជ្រាលជ្រៅ​ ទាំងផ្អែមល្ហែម និង​ ល្វីងជូរចត់ ដែលជាស្នាដៃនិពន្ធដោយលោក យឹម តាស្រង់។ 

ជាក់ស្តែង កញ្ញា អ៊ុក សុវណ្ណារី នៅក្មេងពិត តែពោរពេញទៅសមត្ថភាព និង​ ដុងពីកំណើត ពោលគឺកញ្ញាមានសមត្ថភាពច្រៀងបានទាំង ចម្រៀងសម័យ និង​ បុរាណ ហើយថែមទាំងចម្រៀងជាគូរឆ្លើយឆ្លងបានទាំងព្រម បូករួមជាសម្រស់ស្រស់ស្អាតគួរជាទីស្រលាញ់ ហើយគួបផ្សំជាមួយទេពកោសល្យសម្តែង បានយ៉ាងសមសួនទៀតផង ដែលជាកត្តាមួយធ្វើឱ្យកញ្ញាឈរជើង ជាតារាចម្រៀងដ៏ឆ្នើមមួយរូបប្រចាំផលិតកម្ម Galaxy ។ 

គួររលឹកផងដែរ គិតមកទល់ពេលនេះ កញ្ញាបានបង្ហាញស្នាដៃទឹកដមក្នុងចម្រៀងជាច្រើនបទគួរឱ្យកត់សំគាល់  ជាងនោះទៅទៀតនោះ រាល់ស្នាដៃចម្រៀងរបស់កញ្ញាជានិច្ចជាកាល បានទទួលនូវការគាំទ្រស្វាគមន៍យ៉ាងច្រើនកោះករពីសំណាក់អ្នកស្តាប់គ្រប់មជ្ឈដ្ធាន។

នេះហើយស្តែងឱ្យឃើញពីសមិទ្ធផលជោគជ័យ និង ជាមោទកភាព ដែលកញ្ញាចម្រៀងវ័យក្មេងរូបនេះ សម្រេចបានទាំងខ្លួននៅក្មេងខ្ចី៕

សូមទស្សនារូបភាពខាងក្រោម៖

• អ៊ុក សុវណ្ណារី
• តារាខ្មែរ