បាត់មុខពី សិល្បៈយូរប៉ុណ្ណាក្តី ប៉ុន្តែសម្រស់ វ៉ាង ស្រីណូ នៅតែស្អាតដដែល

ភ្នំពេញ៖ វ៉ាង ស្រីណូ ជាតារាសម្តែងជើងចាស់ដែលមានឈ្មោះបោះសម្លេងខ្លាំង កាលពីប៉ុន្មានពេលកន្លងទៅតាមរយៈ ខ្សែរភាពយន្តនិង វីដេអូបទចម្រៀងជាច្រើន ដែលធ្វើឲ្យប្រជាប្រិយភាពរបស់អ្នកនាង មានភាពថយចុះបន្តិចក៏ពិតមែន ប៉ុន្តែមានប្រជាជនច្រើន នាំតែចងចាំអំពីភាពល្បីរបស់តារាម្នាក់នេះផងដែរ។

ជាការពិតណាស់ ក្រោយពីទទួលបានភាពជោគជ័យទៅលើការងារជាតួកុន តារាស្រីរូបនេះក៏បានឃ្លាតឆ្ងាយពីវិស័យសិល្បៈអស់រយៈពេលជាច្រើនឆ្នាំ​មកហើយ ដោយអ្នកនាងងាកមកចាប់យកអាជីពជាអ្នកជំនួញដោយលក់គ្រឿងសម្អាងវិញម្តង ដោយសង្កេតឃើញថាមានការគាំទ្រខ្លាំងពីសំណាក់បងប្អូនជនរួមជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ក្រឡេកមើលទោះបីជាពេលនេះ វ៉ាង ស្រីណូ មានភាពមម៉ាញឹកខ្លាំងក្នុងការរកសុីនិង ថែមទៀតសម្រាកពីសិល្បៈនិង​​ មានអាយុរាងជ្រេបន្តិចមែនក្តី ក៏ប៉ុន្តែមិនមែនមានន័យថា អ្នកនាងធ្លាក់សម្រស់ឬ ឡើងទម្ងន់អ្វីឡើយ ដោយយើងអាចឃើញសង្កេតឃើញច្បាស់ៗថា ថារូបរាងនៅតែតូចច្រឡឺង សាច់វិញសដូចសំឡី ទម្រង់មុខរាងពងក្រពើ ដោយគ្មានឆ្គងចំណុចណាឡើយ។

ក្រោយពីបានឃើញដូច្នេះរួចមក អ្នកគាំទ្រក៏មានការភ្ញាក់ផ្អើលខ្លាំង ដែលយូរឆ្នាំកន្លងហើយប៉ុន្តែសម្រស់តារាម្នាក់ហាក់ដូចជាមិនមានអ្វីត្រូវប្រែប្រួលសោះ អាចនិយាយបានថាស្អាតដូចពេលកន្លងទៅតែម្តង៕

សូមចូលទស្សនារូបភាពខាងក្រោម៖

• វ៉ាង ស្រីណូ
• យុវវ័យ
• តារាខ្មែរ