ជំងឺរលាកថ្លើម ៣ ប្រភេទដែលគ្នាយើងឭញឹកញាប់ជាងគេនោះគឺ រលាកថ្លើមប្រភេទ A, B និងរលាកថ្លើមប្រភេទ C។ ជំងឺរលាកថ្លើមនេះ សុទ្ធតែអាចបង្កគ្រោះថ្នាក់ដល់សុខភាព និងជីវិតរបស់យើងបាន។ ប៉ុន្តែ ក្រៅពីជំងឺរលាកថ្លើម ៣ ប្រភេទនេះ នៅមានរលាកថ្លើម ២ប្រភេទទៀត ដែលយើងមិនសូវជាដឹង គឺប្រភេទ D និង E។
ជំងឺរលាកថ្លើមជាការឆ្លងពពួកវីរុសចូលទៅក្នុងថ្លើមរបស់យើង ដែលវាបណ្ដាលឲ្យរលាក និងខូចថ្លើម ធ្វើឲ្យថ្លើមដំណើរការមិនប្រក្រតីក្នុងរាងកាយ។ នេះបើតាមការឲ្យដឹងពីលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉្យាងវិញទៀត ជំងឺរលាកថ្លើមគ្រប់ប្រភេទទាំងអស់សុទ្ធតែអាចឆ្លងពីម្នាក់ទៅម្នាក់បាន។ ហើយខាងក្រោមនេះ ជាជំងឺរលាកថ្លើមទាំង ៥ ប្រភេទ៖
ជំងឺរលាកថ្លើមប្រភេទ A៖ ជាទូទៅ ឆ្លងតាមរយៈការប៉ះពាល់ចំណីអាហារ ឬភេសជ្ជៈកខ្វក់។ រោគសញ្ញានៃជំងឺរលាកថ្លើមប្រភេទ A អាចបាត់ទៅវិញដោយខ្លួនឯងដោយមិនចាំបាច់ព្យាបាល ប៉ុន្តែការជាសះស្បើយអាចចំណាយពេល ២-៣ សប្តាហ៍។
ជំងឺរលាកថ្លើមប្រភេទ B៖ អាចជាជំងឺស្រួចស្រាល់ ឬជំងឺរ៉ាំរ៉ៃ។ វាឆ្លងតាមរយៈធាតុរាវក្នុងរាងកាយដូចជាឈាម ឬទឹករងៃជាដើម។ ចំពោះ ជំងឺរលាកថ្លើមប្រភេទនេះអាចព្យាបាលបាន តែមិនជាសះស្បើយ ១០០% ឡើយទេ។ មានន័យថា បើយើងកើតជំងឺនេះ ព្យាបាលកាន់តែឆាប់ ភាគរយនៃការរងផលវិបាកកាន់តែទាប។
ជំងឺរលាកថ្លើមប្រភេទ C៖ ក៏អាចមានលក្ខណៈស្រួចស្រាល់ ឬរ៉ាំរ៉ៃដែរ។ ជារឿយៗ វាឆ្លងតាមរយៈការប៉ះពាល់ឈាមពីអ្នកជំងឺរលាកថ្លើមប្រភេទ C។ នៅពេលដែលវាមិនបង្ករោគសញ្ញានៅដំណាក់កាលដំបូង វាអាចនាំឱ្យមានការខូចខាតថ្លើមជារហូតនៅដំណាក់កាលធ្ងន់ក្រោយៗទៀត។
ជំងឺរលាកថ្លើមប្រភេទ D៖ គឺជាទម្រង់ធ្ងន់ធ្ងរមួយនៃជំងឺរលាកថ្លើមដែលកើតឡើងតែចំពោះអ្នកជំងឺរលាកថ្លើមប្រភេទB – វាមិនអាចឆ្លងដោយខ្លួនឯងបានទេ។ វាក៏អាចមានលក្ខណៈស្រួចស្រាល់ ឬរ៉ាំរ៉ៃផងដែរ។
ជំងឺរលាកថ្លើមប្រភេទE៖ ច្រើនតែបណ្ដាលមកពីផឹកទឹកកខ្វក់។ ជាទូទៅ វាអាចបាត់ទៅវិញដោយខ្លួនឯងក្នុងរយៈពេលពីរ-បីសប្ដាហ៍ដោយមិនមានផលវិបាកយូរអង្វែង។
លោកវេជ្ជបណ្ឌិតរូបនេះបានបញ្ជាក់ថា ទោះបីជាជំងឺរលាកថ្លើមទាំង ៥ ប្រភេទនេះ សុទ្ធតែអាចចម្លងបានតាមការញ៉ាំ ផឹក ចំណីអាហារ ឬភេសជ្ជៈកខ្វក់ ឬឆ្លងតាមរយៈការប៉ះពាល់ជាមួយទាំងជំងឺដោយផ្ទាល់ក្ដី តែយើងអាចកាត់បន្ថយហានិភ័យនៃការកើតជំងឺនេះបានដោយ៖
១. ចាក់វ៉ាក់សាំងការពារជំងឺលាកថ្លើមប្រភេទ A ឬ B
២. អនុវត្តតាមជំហានការពារឆ្លងជំងឺរលាកថ្លើមដូច មិនប្រើម្ជុលតែមួយជាមួយអ្នកជំងឺ ឬរួមភេទដោយសុវត្ថិភាព។ល។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
