ពិធីចុះហត្ថលេខាលើកិច្ចព្រមព្រៀងសហប្រតិបត្តិការ នៃគម្រោងផ្សារទំនើប ព្រីនស៍ សឃ្វែរ នឹងប្រារព្ធឡើងនៅថ្ងៃទី២៥ ខែមករា ឆ្នាំ២០២១ ខាងមុខនេះហើយ!

ភ្នំពេញ៖ ពិធីចុះហត្ថលេខាលើកិច្ចព្រមព្រៀងសហប្រតិបត្តិការនៃគម្រោងផ្សារទំនើប  ព្រីនស៍ សឃ្វែរ (ហៅថា Prince Square) នឹងប្រារព្ធឡើងយ៉ាងអធិកអធមនៅអគារពហុមុខងារព្រីនស៍ ហូល ឌីង គ្រុប នាថ្ងៃទី២៥ ខែមករា ឆ្នាំ ២០២១ ខាងមុខនេះហើយ។ មន្រ្តីជាន់ខ្ពស់នៃសាលារាជធានីភ្នំពេញ ថ្នាក់ដឹកនាំនៃក្រុមហ៊ុនព្រីនស៍ រៀល អ៊ីស្ទេត គ្រុប តំណាងក្រុមហ៊ុនម៉ាកល្បីៗ និងមិត្តអ្នកសារព័ត៌មានជាច្រើនរូបទៀតនឹងចូលរួមក្នុងពិធីនេះ ដើម្បីជាសក្ខីភាពនៃការចុះហត្ថលេខា ក៏ដូចជាចែករំលែកឱកាសអាជីវកម្មដ៏អស្ចារ្យនៅក្នុងរាជធានីភ្នំពេញផងដែរ។

ព្រឹត្តិការណ៍នេះ មិនត្រឹមតែមានរួមបញ្ចូលនូវពិធីចុះហត្ថលេខា និងពិធីចាក់ខ្សាច់មាសប៉ុណ្ណោះទេ ថែមទាំងមានពិធីពិសាភោជនីយអាហារអមដោយតន្ត្រីដ៏ពីរោះផងដែរ។ ទន្ទឹមនឹងនេះ អ្នកជំនាញក្នុងវិស័យក៏នឹងមានវត្តមានក្នុងពិធីនេះ ដើម្បីពិភាក្សាអំពីនិន្នាការអភិវឌ្ឍន៍អាជីវកម្មរបស់រាជធានីភ្នំពេញ ជាមួយភ្ញៀវកិត្តិយសទាំងអស់  និងធ្វើការផ្លាស់ប្តូរបទពិសោធន៍ក្នុងការគ្រប់គ្រងអាជីវកម្ម ដែលអនុញ្ញាតឲ្យភ្ញៀវកិត្តិយស​ទាំងអស់ទទួលបាននូវបទពិសោធន៍វិនិយោគ រួមនឹងភាពសប្បាយរីករាយក្នុងពិធីក្នុងពេលជាមួយគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មានទីតាំងស្ថិតនៅក្នុង “តំបន់មាស” នៃទីក្រុងភ្នំពេញ ទទួលបានអត្ថប្រយោជន៍យ៉ាងច្រើនសន្ធឹកសន្ធាប់

សម្រាប់ការវិនិយោគអាជីវកម្ម ទីតាំងល្អតំណាងឲ្យភោគទ្រព្យ Prince Square​ មានទីតាំងស្ថិតនៅក្នុងតំបន់ស្នូល និងជាចំណុចប្រសព្វនៃខណ្ឌទាំងបី គឺខណ្ឌសែនសុខ ខណ្ឌទួលគោក និងខណ្ឌមានជ័យ និងតាមបណ្តោយមហាវិថីសហព័ន្ធរុស្ស៊ី ដោយអាចធ្វើដំណើរទៅកាន់អាកាសយានដ្ឋានអន្តរជាតិភ្នំពេញ និងរាជាយស្ម័យយាន​កម្ពុជាបានយ៉ាងឆាប់រហ័ស​​ ត្រឹម១៥ នាទីប៉ុណ្ណោះ។ ទីនេះក៏មានចរាចរណ៍ខ្វាត់ខ្វែង ងាយស្រួលក្នុងការធ្វើដំណើរ ដែលអាចទាក់ទាញអតិថិជនមកកាន់គម្រោងបានយ៉ាងច្រើនផងដែរ។ ម្យ៉ាងវិញទៀត គម្រោងនេះស្ថិតនៅក្បែរទីស្ដីការគណៈរដ្ឋមន្រ្តី ក្រសួងពាណិជ្ជកម្ម សាលារាជធានីភ្នំពេញ មន្ទីរពេទ្យរ៉ូយ៉ាល់ភ្នំពេញ សាកលវិទ្យាល័យភូមិន្ទភ្នំពេញ ផ្សារទំនើប​ Phnom Penh Mega Mall ផ្សារទំនើប TK ដែលធ្វើឲ្យលោកអ្នកអាចទទួលបាននូវឱកាសអាជីវកម្មប្រកបដោយវិបុលភាព ជាមួយនឹងអត្ថប្រយោជន៍យ៉ាងច្រើនសន្ធឹកសន្ធាប់ ក្នុងទីក្រុងភ្នំពេញ។

ផ្សារពាណិជ្ជកម្មកម្ពស់បួនជាន់ ចាប់ផ្ដើមអាជីវកម្មដ៏អស្ចារ្យ

គម្រោង Prince Square មានទំហំសរុប 35000 ម៉ែត្រការ៉េ ដែលមានផែនការសាងសង់ជាផ្សារទំនើបកម្ពស់ 4 ជាន់។ ពេលគម្រោងនេះត្រូវបានចាប់ផ្តើមដំណើរការ ក្រុមការងារគ្រប់គ្រងអាជីវកម្មជំនាញរបស់ Prince Square​ បានធ្វើការស្រាវជ្រាវយ៉ាងម៉ត់ចត់លើសូចនាករជាច្រើន ដូចជាទីតាំងគម្រោង ចរាចរណ៍ជុំវិញ ទម្លាប់នៃការប្រើប្រាស់ និងលំហូរអ្នកដំណើរ។ ហើយចុងក្រោយ Prince Square ​ត្រូវបានបង្កើតឡើងជាមជ្ឈមណ្ឌលពាណិជ្ជកម្មដ៏សំខាន់មួយ ដោយរួមបញ្ចូលផ្សារទំនើបខ្នាតធំ រោងកុនអន្តរជាតិ ក្លឹបហាត់ប្រាណ ភោជនីយដ្ឋានអន្តរជាតិ សួនកម្សាន្តកុមារ និងហាងសម្លៀកបំពាក់ទាន់សម័យ ដែលជាកន្លែងទទួលការពេញនិយមបំផុតសម្រាប់ប្រជាជនរស់នៅតំបន់ជុំវិញនោះ។

ការវិនិយោគប្រកបដោយទំនុកចិត្ត

Prince Square ​ត្រូវបានវិនិយោគ និងអភិវឌ្ឍដោយក្រុមហ៊ុនព្រីនស៍ រៀល អ៊ីស្ទេត គ្រុប ដែលជាក្រុមហ៊ុននាំមុខគេក្នុងវិស័យអចលនទ្រព្យលំដាប់ខ្ពស់ និងជាក្រុមហ៊ុនអភិវឌ្ឍន៍អគារដែលជានិមិត្តសញ្ញានៃទីក្រុង។ ព្រីនស៍ បានសហការជាមួយក្រុមហ៊ុនម៉ាកល្បីៗមកពីជុំវិញពិភពលោកជាង 1000 ក្រុមហ៊ុន ក្នុងនោះក្រុមហ៊ុនយើងបាន​ សហការជាយុទ្ធសាស្រ្តជាមួយក្រុមហ៊ុនម៉ាកល្បីៗចំនួន 380 នឹងមានវត្តមានក្នុង Prince Square​។ នាពេលបច្ចុប្បន្ននេះ ក្រុមហ៊ុនម៉ាកល្បីៗជាង 50 ក្រុមហ៊ុនបានចូលរួមជាមួយ Prince Square ហើយ ដែលនេះអាចធានាថា Prince Square នឹងទទួលការពេញនិយមភ្លាមៗនៅពេលបើកដំណើរការ ព្រមទាំងនាំមកនូវផលចំណេញខ្ពស់ផងដែរសម្រាប់ដៃគូសហការរបស់យើងទាំងអស់។

ផ្អែកលើបទពិសោធន៍រយៈពេល 5 ឆ្នាំនៃប្រតិបត្តិការប្រកបដោយជោគជ័យរបស់ក្រុមហ៊ុនព្រីនស៍ រៀល អ៊ីស្ទេត គ្រុប Prince Square​ មានក្រុមការងារជំនាញសម្រាប់ប្រតិបត្ដិការគ្រប់គ្រង​ និងមានគំរូអាជីវកម្មលំដាប់កំពូលលើពិភពលោក។ ការផ្សព្វផ្សាយជារួម ការរៀបចំផែនការជារួម និងប្រតិបត្តិការគ្រប់គ្រងជារួម  ព្រមទាំងការប្រើប្រាស់នូវបទពិសោធន៍អនុវត្តជាក់ស្តែង និងបទពិសោធន៍នៃការគ្រប់គ្រងអាជីវកម្មក្នុងវិស័យអចលនទ្រព្យ ត្រូវបានយកមកអនុវត្តដើម្បីគាំទ្រដល់អាជីវកម្មរបស់ដៃគូសហការ។

ជាមួយនឹងការចុះហត្ថលេខាលើកិច្ចព្រមព្រៀងសហប្រតិបត្តិការរបស់ក្រុមហ៊ុនម៉ាកល្បីៗដូចជា Adidas, Levi`s, Skechers, Nike Supergo, HUAWEI , OPPO, Potato Corner, Dakasi, Panda cake, Pizza Hut ។ល។ Prince Square​ នឹងធ្វើឲ្យទីក្រុងភ្នំពេញកាន់តែមានភាពរុងរឿងថែមមួយកម្រិតទៀត។ យើងជឿជាក់យ៉ាងមុតមាំថា ជាមួយនឹងកិច្ចសហប្រតិបត្តិការដ៏ស្មោះត្រង់របស់ក្រុមហ៊ុនម៉ាកល្បីនានា Prince Square​ ប្រាកដជាអាចចាប់យកឱកាសអាជីវកម្មដ៏អស្ចារ្យក្នុងការអភិវឌ្ឍ និងរួមគ្នាបង្កើតអនាគតប្រកបដោយភោគទ្រព្យ។

នៅថ្ងៃទី២៥ ខែមករា ឆ្នាំ២០២១ខាងមុខនេះ Prince Square​ សូមអញ្ជើញលោកអ្នកចូលរួមចាប់យកឱកាសវិនិយោគដ៏ពិសេសនៅក្នុងទីក្រុងភ្នំពេញ ក៏ដូចជាចូលរួមជាសក្ខីភាពនៃអនាគតដ៏រុងរឿងនៃទីក្រុងភ្នំពេញទាំងអស់គ្នា៕