សារធាតុបង្កជាជំងឺមហារីក ជាសមាសធាតុដែលរួមចំណែកបង្កើនហានិភ័យនៃជំងឺមហារីក ដោយបំផ្លាញកោសិកា DNA រួមទាំងធ្វើឲ្យកោសិកាធម្មតាក្លាយទៅជាកោសិកាកាច និងមានគ្រោះថ្នាក់ដល់ជីវិតយើង។ ពិតណាស់ សារធាតុបង្កជាជំងឺមហារីកនេះ មាននៅជុំវិញខ្លួនយើង ដូចជានៅក្នុងខ្យល់ អាហារ ភេសជ្ជៈ ឬក៏ផលិតផលដែលយើងកំពុងតែប្រើប្រាស់ប្រចាំថ្ងៃ។ ខណៈរាងកាយរបស់យើងមានប្រព័ន្ធបន្សាបជាតិពុល ដើម្បីកម្ចាត់ចោលសារធាតុបង្កជាជំងឺមហារីក និងជាតិពុលផ្សេងៗ សារធាតុបង្កមួយចំនួនមានឥទ្ធិពលចូលទៅបំផ្លាញកោសិការបស់យើងជំនួសវិញ។ ក្រៅពីការឈប់ជក់បារី និងឈប់ញ៉ាំគ្រឿងស្រវឹង យើងក៏អាចចៀសឆ្ងាយ ឬកាត់បន្ថយផលប៉ះពាល់ពីសារធាតុបង្កជាជំងឺមហារីកនេះបានដូចគ្នា ដោយការអនុវត្តតិចនិកងាយៗខាងក្រោមនេះ។
១. ចៀសសវាងការបំផ្លាញដោយពន្លឺព្រះអាទិត្យ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប៉ះពាល់នឹងពន្លឺព្រះអាទិត្យ បង្កើនហានិភ័យធ្ងន់ធ្ងរនៃជំងឺមហារីកស្បែក បើទោះបីមានការរលាកដោយកម្ដៅថ្ងៃតិចតួចក្តី។ សម្រាប់អ្នកដែលមានកម្រិតមេឡានីនទាប មានហានិភ័យកាន់តែខ្ពស់ក្នុងការវិវត្តន៍ទៅជាជំងឺមហារីកស្បែក ដោយការប៉ះពាល់នឹងពន្លឺព្រះអាទិត្យ។ យ៉ាងណាមិញ យើងទាំងអស់គ្នាចាំបាច់ការពារខ្លួនពីកាំរស្មីព្រះអាទិត្យដ៏គ្រោះថ្នាក់នេះ មិនថាយើងមានពណ៌សម្បុរស្បែកបែបណានោះទេ។ ការប្រើក្រែមការពារកម្ដៅថ្ងៃ ដើម្បីការពារខ្លួនយើងពីកាំរស្មី UVA និងUVB អាចជួយកាត់បន្ថយហានិភ័យនៃជំងឺមហារីកស្បែកបាន។ បន្ថែមពីនេះ យើងគួរចៀសវាងការចេញក្រៅនៅចន្លោះម៉ោង ១១ព្រឹក ដល់ម៉ោង៣រសៀល ឬពាក់មួក ក៏ដូចជាសម្លៀកបំពាក់បិទជិត។ល។
២. ចៀសវាងសារធាតុបង្កជាជំងឺមហារីកនៅក្នុងអាហារ
សារធាតុបង្កជាជំងឺមហារីកនៅក្នុងអាហារ គឺជាសមាសធាតុដែលបំពុលអាហារ ដែលមាននៅទឹកកខ្វក់ សារជាតិពុលនៃផ្សិតនៅក្នុងគ្រាប់ធញ្ញជាតិ និងសណ្ដែកដី ក៏ដូចជាសារជាតិពុលនៃជាតិដែក ដែលមាននៅក្នុងគ្រឿងសមុទ្រជាដើម។ អាហារប្រភេទអាំង ឆ្អើរ ដុត។ល។ អាចបណ្ដាលឲ្យកើតមានសារធាតុបង្កជាជំងឺមហារីកបានយ៉ាងធ្ងន់ធ្ងរ។ ដូច្នេះហើយ យើងគួរចៀសវាងអាហារប្រភេទទាំងនោះ ដោយងាកមកញ៉ាំអាហារប្រភេទរុក្ខជាតិ ដែលមានដូចជាបន្លែ ផ្លែឈើ គ្រាប់ធញ្ញជាតិ ឬគ្រាប់ពូជជាដើម ពីព្រោះពួកវាអាចផ្ដល់នូវជាតិសរសៃគ្រប់គ្រាន់ទៅក្នុងរាងកាយ ដើម្បីកម្ចាត់សារធាតុបង្កជាជំងឺមហារីក ក៏ដូចជាជាតិពុលដទៃទៀតបានយ៉ាងអស្ចារ្យ។
៣. ការហាត់ប្រាណ
ជាតិខ្លាញ់ក្នុងរាងកាយដែលលើស ក៏អាចបង្កើនហានិភ័យនៃជំងឺមហារីកសុដន់ តម្រងនោម ពោះវៀនធំ និងមហារីកដទៃទៀតផងដែរ។ ដូច្នេះហើយ ចូរធ្វើលំហាត់ប្រាណឲ្យបានយ៉ាងហោចណាស់ ៣០នាទី/ថ្ងៃ ដើម្បីរក្សាទម្ងន់ខ្លួនឲ្យនៅថេរ និងកាត់បន្ថយហានិភ័យនៃជំងឺមហារីក។ ជាមួយគ្នានេះដែរ ការហាត់ប្រាណជាទៀងទាត់ ក៏អាចជួយពង្រឹងប្រព័ន្ធភាពស៊ាំ កំណត់អ័រម៉ូនត្រឹមត្រូវ និងបង្កើនមុខងារប្រព័ន្ធរំលាយអាហាររបស់យើងឲ្យកាន់តែប្រសើរឡើងថែមទៀតផង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
