ស្ទះសរសៃឈាមបេះដូង ដែលយើងចំណាំហៅថា គាំងបេះដូង កើតឡើងដោយសារតែសរសៃឈាមមួយ ឬច្រើន ដែលមានតួនាទីទៅចិញ្ចឹមបេះដូងស្ទះដោយសារខ្លាញ់ និងកំណកឈាម។ នេះជាការលើកឡើងរបស់លោកសាស្ត្រាចារ្យវេជ្ជបណ្ឌិត សុខ ជួរ ប្រធានដេប៉ាតឺម៉ង់ជំងឺបេះដូង នៃមន្ទីរពេទ្យកាល់ម៉ែត។
បញ្ហានេះស្តែងចេញឡើងដោយកត្តាគ្រោះថ្នាក់ផ្សេងៗ ដូចជាកត្តាអាយុកាន់ច្រើន ជក់បារី មានជំងឺលើសឈាម ទឹកនោមផ្អែម លើសជាតិខ្លាញ់ លើសទម្ងន់ ស្ត្រេសច្រើនជាដើម។ លោកវេជ្ជបណ្ឌិតប្រធានសមាគមគ្រូពេទ្យបេះដូងកម្ពុជារូបនេះបន្តថា កត្តាគ្រោះថ្នាក់ទាំងអស់នេះ ធ្វើឲ្យស្តែងចេញជាជំងឺស្ទះសរសៃឈាមបេះដូង (គាំងបេះដូង) ដែលទាមទារឲ្យព្យាបាលជាបន្ទាន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជំងឺបេះដូងដែលគ្រោះថ្នាក់ និងសម្លាប់មនុស្សច្រើនជាងនៅលើពិភពលោក ជំងឺស្ទះសរសៃឈាមបេះដូង ដែលទាមទារឲ្យអ្នកជំងឺព្យាបាលជាបន្ទាន់។ លោកវេជ្ជបណ្ឌិតបន្តថា ការព្យាបាលជំងឺស្ទះសរសៃឈាមបេះដូងដូចនឹងការពន្លត់អគ្គិភ័យ យើងពន្លត់កាន់តែលឿន អាចថែរក្សាបរិក្ខារនៅក្នុងផ្ទះកាន់តែច្រើន។
“ជំងឺស្ទះសរសៃឈាមបេះដូងដូចគ្នាដែរ នៅពេលយើងព្យាបាលលឿន យើងអាចថែរក្សាសាច់ដុំបេះដូងឲ្យនៅប្រសើរ មុខងារបេះដូងនៅប្រសើរបានច្រើន យើងទុកកាន់តែយូរ សាច់ដុំបេះដូងស្លោក មុខងារបេះដូងថយចុះ អាចគ្រោះថ្នាក់ដល់ជីវិត”។ លោកសាស្ត្រាចារ្យវេជ្ជបណ្ឌិត សុខ ជួរ រៀបរាប់។
រោគសញ្ញាជំងឺស្ទះសរសៃឈាមបេះដូង៖
ជំងឺស្ទះសរសៃឈាមបេះដូងនឹងស្តែងចេញជារោគសញ្ញា ដូចជាចុកដើមទ្រូង បែកញើស ថប់ដង្ហើម ឬហត់។ ចំណែករោគសញ្ញាធ្ងន់ធ្ងររួមមាន៖
– ស្ទះសរសៃឈាមបេះដូង
– ស្លោកបេះដូង
– គាំងបេះដូង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
