ក្ដៅៗ! ដោយសារតែរឿងនេះ ទើបនាយករដ្ឋមន្ត្រីប្រទេសហ្សកហ្ស៊ីប្រកាសលាលែងពីតំណែងភ្លាមៗ

ទីប៊ីលីស៊ី៖ នាយករដ្ឋមន្រ្តីប្រទេសហ្សកហ្ស៊ីលោក Giorgi Gakharia បានប្រកាសនៅថ្ងៃនេះថាលោកកំពុងលាលែងពីតំណែងហើយ។

លោកនាយករដ្ឋមន្រ្តីបានពន្យល់ថា លោកចាត់ទុកថាវាជារឿងអយុត្តិធម៌ក្នុងការចាប់ខ្លួនប្រធានគណបក្សចលនារួបរួមជាតិ (UNM) លោក Nika Melia ក្នុងស្ថានភាពនៅពេលមានគ្រោះថ្នាក់នៃការកើនឡើងកម្ដៅនយោបាយ ដូចនេះហើយទើបបានជាលោកជ្រើសរើសការលាលែងពីតំណែង បន្ទាប់ពីលោកមិនអាចសម្របសម្រួលដល់កិច្ចព្រមព្រៀងជាមួយក្រុមរបស់លោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកបានថ្លែងបែបនេះថា “ជាអកុសល ខ្ញុំមិនអាចស្វែងរកមតិរួមជាមួយក្រុមរបស់ខ្ញុំលើបញ្ហានេះទេ ដូច្នេះខ្ញុំបានសម្រេចចិត្តលាឈប់ពីតំណែង។ ខ្ញុំចង់ជឿថាជំហាននេះនឹងជួយកាត់បន្ថយភាពចម្រូងចម្រាស់គ្នានៅក្នុងវិស័យនយោបាយពីព្រោះខ្ញុំជឿជាក់ថាការបែកបាក់គ្នានិងការប្រឈមមុខគ្នារវាងក្រុមយើងទាំងពីរគឺជាហានិភ័យធំបំផុតសម្រាប់អនាគតនៃប្រទេសរបស់យើង”។

កាលពីយប់មិញនេះតុលាការក្រុង Tbilisi បានយល់ស្របនឹងការសម្រេចចិត្តរបស់ព្រះរាជអាជ្ញាដែលបានសម្រេចប្រើវិធានការឃុំខ្លួនបណ្តោះអាសន្នប្រឆាំងនឹងលោក Nika Melia ប្រធានគណបក្សចលនារួបរួមជាតិ៕

ប្រភព៖ Georgia Today

• ការងារ
• ជីវិត