ដុងសិល្បៈតាំងពីក្មេង​ ធ្លាយវីដេអូ ឈីន រតនៈ​ ច្រៀងប្រលងចូល សាលាវិចិត្រសិល្បៈ​ តាំងពីតូចប៉ុណ្ណឹង​(មានវីដេអូ)

ភ្នំពេញ៖ តារាចម្រៀងដែលកើតចេញពីកម្មវិធី The Voice Cambodiaដែលពោពេញទៅដោយសម្ថភាព រដូវកាលទី២ កញ្ញា ឈីន រតនៈ នាពេលបច្ចុប្បន្ន កញ្ញាកំពុងទទួលបានសម្លេងគាំទ្រហាក់ហក់ឡើងខ្លាំងគួរឲ្យកត់សម្គាល់។ ដែលការទទួលបានប្រជាប្រិយភាពខ្លាំងនេះឯងវាបានកើតចេញពីសម្ថភាពសម្លេងរបស់នាង ដែលមានទឹកដមពីរោះ អាចនិយាយបានថា កញ្ញាមានសម្ថភាពអាចច្រៀងបត់បែនបានគ្រប់ទម្រង់។

ជាក់ស្ដែង តារាចម្រៀងស្រីរូបនេះពិតជាមានការស្រលាញ់ផ្នែកសិល្បៈ និងមានដុងសិល្បៈសម្ថភាព ផ្នែកចម្រៀងតាំងពីកុមារភាពមកម្ល៉េះ។ ដោយកាលពីប៉ុន្មានថ្ងៃមុននេះ នៅលើបណ្ដាញសង្គម ហ្វេសប៊ុក គណនីផ្ទាល់ខ្លួនរបស់កញ្ញា បានបង្ហោះវីដេអូមួយដែលជាអនុស្សាវរីយ៍អ្នកគ្រូបានបន្សល់ទុកឲ្យ ក្នុងនោះគឺមានរូបកញ្ញាផ្ទាល់កាលពីវ័យកុមារ តារារូបនេះបានចូលរួមប្រលងដើម្បីបានចូលរៀននៅក្នុងសាលាវិចិត្រសិល្បៈ តែអ្វីដែលគួរឲ្យស្ញប់ស្ញែង គេឃើញថា កញ្ញាមានសម្ថភាពទឹកដមសម្លេង ពីរោះក្រអួនក្រអៅតាំងពីកុមារមកម្ល៉េះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយនឹងវីដេអូមួយនេះ បានធ្វើឲ្យទស្សនិកជនក៏ដូចជាហ្វេនៗអ្នកគាំទ្រមានការលាន់មាត់សរសើរ ស្ញប់ស្ញែងចំពោះតារាចម្រៀងស្រីដែលពោពេញទៅដោយសម្ថភាពរូបនេះជាខ្លាំង មិនថាពេលមុនឬពេលបច្ចុប្បន្ននេះនាងនៅតែរក្សាសម្លេងបានពីរោះដដែល៕

សូមទស្សនារូបភាព និង ជូនវីដេអូខាងក្រោម៖

• ឈីន រតនៈ
• ចម្រៀង
• តារាខ្មែរ