ខុសគ្នាឆ្ងាយ! រូប ឆៃ លីដាឡែន កាលនៅក្មេង មើលសឹងមិនស្គាល់

ភ្នំពេញ៖ តារាសម្ដែង និងតារាចម្រៀងអ្នកនាង ឆៃ លីដាឡែន តែងតែធ្វើឲ្យមហាជនកោតសរសើរនូវស្នាដៃសិល្បៈរបស់នាង។ មិនតែប៉ុណ្ណោះ តារារូបនេះត្រូវបានគេដឹងថា ឈានជើងចូលវិថីសិល្បៈតាំងតែវ័យក្មេងមកម្ល៉េះ។ ម្យ៉ាងវិញទៀត នាងក៏ធ្លាប់បានបាត់មុខពីសិល្បៈមួយរយៈ តែពេលនេះនាងបានបង្ហាញមុខសារជាថ្មី និងកំពុងមានការងារច្រើនមិនចាញ់ពេលមុនឡើយ។

យ៉ាងណាមិញ បើក្រឡេកទៅមើលសម្រស់របស់អ្នកនាង ឆៃ លីដាឡែន ក្រោយមានកូនមួយរួច ឃើញថានាងនៅតែមានរូបសម្ផស្សស្រស់សោភា មុខមាត់នៅតែស្អាតមិនចាញ់កាលនៅក្មេងនោះទេ។ ថ្មីត្បិតតែតារារូបនេះអាយុកាន់តែកើនឡើងពីមួយឆ្នាំទៅមួយឆ្នាំក្ដី តែនាងនៅតែអាចថែរក្សាសម្រស់ឲ្យនៅក្មេងបានដដែល។ លើសពីនេះទៅទៀត គ្រប់រូបភាពដែលនាងបង្ហោះ តែងតែទទួលបានការសរសើរពីហ្វេនៗជានិច្ច។  

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ប្រិយមិត្តធ្លាប់តែបានឃើញមុខមាត់ និងសម្រស់អ្នកនាង ឆៃ លីដាឡែន ពេលចូលសិល្បៈដំបូង និងបច្ចុប្បន្ន តែងខ្លួនបែបឆើតឆាយ អមនូវភាពទាន់សម័យនោះ។ តែថ្មីនេះ តារារូបនេះបានទម្លាយរូបភាពមួយសន្លឹកកាលនៅក្មេង មើលទៅពិតជាប្លែកខុសគ្នាខ្លាំង ដោយសាររូបភាពនោះនាងមានសក់ខ្លី និងរូបរាងស្គមផងដែរ។ ក្រោយអ្នកគាំទ្របានឃើញរូបភាពមួយសន្លឹកនេះរួច ពួកគេពិតជាមានភាពភ្ញាក់ផ្អើល និងសរសើរពីសម្រស់កាលនៅក្មេងនាងគ្រប់គ្នា៕

សូមទស្សនារូបភាពខាងក្រោម៖ 

• ឆៃ លីដាឡែន
• រូបភាព
• តារាខ្មែរ