ទំនេរពីការងារសិល្បៈ សាវិន ហ្វីលីព និង ភរិយាប្រើជីវិតសាមញ្ញបែបនេះ

ភ្នំពេញ៖ តារាសម្ដែងជើងចាស់សាច់ចាំលោក សាវិន ហ្វីលីព បច្ចុប្បន្ននៅតែបន្តអាជីពសិល្បៈ ហើយនៅតែទទួលបានគាំទ្រពីទស្សនិកជន មិនថាចាស់ក្មេងឡើយ។ ពិតណាស់ គ្រប់រឿងដែលតារាប្រុសរូបនេះសម្ដែងតែងតែមានភាពល្បីល្បាញជានិច្ច ចំណែកថ្វីដៃនៃការសម្ដែងក៏ល្អឥតខ្ចោះ អាចឲ្យក្មេងជំនាន់ក្រោយរៀនតាមបានផងដែរ។

បើក្រឡេកទៅមើលជីវិតឯកជនរបស់លោក សាវិន ហ្វីលីពវិញ ឃើញថាតារារូបនេះកំពុងកសាងជីវិតគ្រួសារយ៉ាងមានសុភមង្គល។ ម្យ៉ាងវិញទៀត បើទោះបីបច្ចុប្បន្នវ័យកាន់តែជ្រេ តែក្ដីស្រលាញ់លោកនៅតែផ្ដល់ឲ្យភារិយាជាទីស្រលាញ់ជានិច្ច។ លើសពីនេះទៅទៀត គ្រប់សកម្មភាព និងរូបថតបង្ហោះលើបណ្ដាញសង្គម តារារូបនេះតែងតែថតជាមួយភរិយាបង្ហាញពីស្នាមញញឹមយ៉ាងកក់ក្ដៅតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះលោក សាវិន ហ្វីលីព បានបង្ហាញសកម្មភាពខ្លះៗជាមួយភរិយានៅថីចម្ការ ប្រើជីវិតយ៉ាងសាមញ្ញតែម្ដង។ បើមើលតាមរូបភាព តារារូបនេះបានបង្ហាញអារម្មណ៍យ៉ាងរីករាយ ខណៈបាននៅដីចម្ការឃ្លាតឆ្ងាយពីទីក្រុងយ៉ាងដូច្នេះ។ ក្នុងនោះដែរ ទោះបីតារាសម្ដែងជើងចាស់រូបនេះរវល់នឹងការងារយ៉ាងណាក្ដី ក៏លោកនៅមិនភ្លេចផ្ដល់ក្ដីសុខឲ្យខ្លួនឯង និងតួនាទីជាស្វាមីល្អសម្រាប់ប្រពន្ធ ជាពិសេសជាឪពុកល្អសម្រាប់កូនៗផងដែរ៕

សូមទស្សនារូបភាពខាងក្រោម៖ 

• សាវិន ហ្វីលីព
• រូបភាព
• តារាខ្មែរ