តារាកម្សាន្ត៖ ជាការពិតណាស់ តារាស្រីដ៏មានប្រជាប្រិយភាពទាំងប៉ុន្មាននាក់ខាងក្រោមនេះ ប្រិយមិត្តច្បាស់ជាស្គាល់ពួកគេយ៉ាងច្បាស់រួចមកហើយ តាមរយៈការសម្ដែងក្នុងរឿងល្បីៗជាច្រើននាពេលកន្លងមក ដែលក្នុងការងារសិល្បៈនីមួយៗរបស់ពួកគេទាំងនោះ សុទ្ធសឹងតែបង្ហាញពីទេពកោសល្យដ៏ពូកែរបស់ពួកគេគួរឲ្យសរសើរ។
ដោយឡែក ទម្រាំតែអាចក្លាយជាតួឯកមានឈ្មោះល្បីល្បាញដូចសព្វថ្ងៃ យើងឃើញថា ពីដំបូងឡើយ តារាស្រីទាំងនេះ សុទ្ធសឹងតែគ្រាន់តែសម្ដែងជាតួអង្គតូចតាចធម្មតាៗ និងខ្លះទៀតត្រឹមជាតួរងប៉ុណ្ណោះ ប៉ុន្តែក្រោយពីនោះបន្ទាប់ពីប្រឡូកក្នុងវិស័យសម្ដែងនេះយូរៗទៅ ពួកគេក៏បានវិវត្តន៍ខ្លួន ដុះខាត់សមត្ថភាពខ្លួនឯងបានយ៉ាងល្អ រហូតមានឪកាសក្លាយជាតួឯកស្រី មានឈ្មោះបោះសម្លេងខ្លាំង និងមានអ្នកគាំទ្រកាន់តែច្រើនពីមួយថ្ងៃទៅមួយថ្ងៃគួរឲ្យកត់សម្គាល់៕
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតារាស្រី ទាំងនោះមានដូចខាងក្រោម៖
១.រចនា រ៉ាវ៉ាឌី
កាលពីចូលសិល្បៈដំបូង តារាស្រីរូបនេះក៏បានលេចមុខក្នុងរឿង ភ្លើងស្នេហ៍ ភ្លើងឬស្យា។ ដែលនាងបានត្រឹមដើរជាតួបន្ទាប់បន្សំប៉ុណ្ណោះ។ តែប៉ុន្មានឆ្នាំក្រោយមកនេះ រ៉ាវ៉ាឌី ក៏វិវត្តន៍ខ្លួនជាតួឯកស្រីក្នុងរឿងល្បីៗជាច្រើន។
![](https://s9.kh1.co/73/73c5535a046c4db8f5662ee51abbe029f863a906.jpg)
![](https://s9.kh1.co/6c/6ca381d38de8a19eb95a167cd1d5f1865fd56d12.jpg)
២.គៀត សុវណ្ណាឡាង
កាលពីជាង១០ឆ្នាំមុន តារាចម្រៀងស្រី និងជាតារាសម្ដែងរូបនេះ ក៏បានលេចមុខសម្ដែងក្នុងរឿង ទឹកចិត្តបងស្រីរបស់ស្ថានីយ៍ទូរទស្សន៍ CTN ផងដែរ។ ដែលនាងបានសម្ដែងជាតួប្អូនតួឯកស្រី។ ហើយបច្ចុប្បន្ន សុវណ្ណាឡាង ក៏កំពុងមានឈ្មោះបោះសម្លេងខ្លាំង និងតែងតែលេចមុខជាតួឯកក្នុងរឿងល្បីៗ។
![](https://s9.kh1.co/1a/1ace54c8b38e08909a7ae3d4de4b06aa08bb2cd2.jpg)
![](https://s9.kh1.co/9f/9f0bc14d1e7e56da689743239404da78c9002732.jpg)
៣.សាឡាត់ ស្រីឡាង
កាលពីជាង ៤ឆ្នាំមុន តារាស្រីរូបនេះ ក៏បានសម្ដែងជាតួរងក្នុងរឿង នាយខ្វាក់ នាយខ្វិនឆ្លងភព ផងដែរ។ ហើយក្រោយមកទៀត នាងក៏បានក្លាយជាតួឯកស្រីជាមួយលោក លឹម ជាឡាយ ក្នុងរឿង គូស្នេហ៍បម្រុង និងរឿងជាបន្តបន្ទាប់។
![](https://s9.kh1.co/9a/9acf1a55b8a015af28ba5fb2ea6624e6fbc3f252.jpg)
![](https://s9.kh1.co/09/09a9decc5041ce3686e7087c44a038915d8b98b9.jpg)
៤.យ៉ែម ស្រីពេជ្រ
កាលពីឆ្នាំ ២០១៧ យ៉ែម ស្រីពេជ្រ ក៏បានសម្ដែងជាតួអង្គឆ្នាស់ដណ្ដើមប្ដីគេ ក្នុងរឿង ភ្លើងស្នេហ៍ ភ្លើងឬស្យា ជាមួយ នី មុន្នីនាថ និង អេដវីន ផងដែរ។ តែក្រោយមកទៀត បច្ចុប្បន្ន នាងក៏បានក្លាយជាតួឯកស្រីក្នុងរឿងល្បីៗជាច្រើន។
![](https://s9.kh1.co/75/75689c0016918db72af74cf014dd0e755f1dd119.jpg)
![](https://s9.kh1.co/96/9646ef07772a9948f427e05d8491060e2863f789.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]