អ្នកណាមិនរំភើប! គម្រប់ខួបស្នេហ៍៥ឆ្នាំ ទេព បូព្រឹក្ស ធ្វើស៊ី ជី ដេវីត សាហាវណាស់(មានវីដេអូ)

ភ្នំពេញ៖ គូស្នេហ៍តារាចម្រៀងប្រុសស្រី ដ៏មានប្រជាប្រិយភាព ទេព បូព្រឹក្ស និងលោក ជី ដេវីត ដែលពីមួយថ្ងៃ ទៅមួយថ្ងៃ គូស្នេហ៍តារាប្រុសស្រី មួយគូនេះ តែងតែបង្ហាញ នូវភាពផ្អែមល្អែម ជាមួយគ្នាយ៉ាងខ្លាំង ដោយពួកគេ ក៏តែងតែបង្ហាញរូបភាពស្វីតៗ ជាច្រើនសន្លឹក នៅលើបណ្តាញសង្គម​ ដែលមើលទៅ គូស្នេហ៍មួយគូនេះ ពិតជាស្រលាញ់គ្នាខ្លាំងណាស់។  

សូមរំលឹកផងដែលថា ក្រោយកសាងទំនាក់ទំនងស្នេហាដ៏សែនផ្អែមល្អែមអស់ពេលជាយូរមកហើយមកទល់ពេលនេះគឺមានរយៈពេល៥ឆ្នាំទៅហើយ លោក ជី ដេវីត និងកញ្ញា ទេព បូព្រឹក្ស តែងតែធ្វើឲ្យអ្នកគាំទ្រ និងហ្វេនៗមានការភ្ញាក់ផ្អើកជានិច្ច ជាពិសេសអ្នកទាំងពីរតែងតែធ្វើវីដេអូសប្បាយៗ Prank បែបថ្មីៗ និងចេញបទចម្រៀងថ្មីៗរួមគ្នាជាហូរហែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីម្សិលមិញនេះជាថ្ងៃ Anniversary ៥ឆ្នាំ ជី ដេវីត និងកញ្ញា ទេព បូព្រឹក្ស ក្នុងថ្ងៃនោះផងដែរ កញ្ញា ទេព បូព្រឹក្ស បានជូនកាដូដ៏ធំសម្រាប់គូស្នេហ៍ខ្លួនជាប្រភេទផ្ទះរហូតដល់ទៅ៥ខ្នង ធ្វើឲ្យ ជី ដេវីត រំភើបញញឹមបិទមាត់មិនជិត អរសឹងហោះទៅហើយ។  ក្រោយបង្ហោះវីដេអូ បង្ហាញទិដ្ឋភាពគម្រោងផ្ទះនេះរួច មានអ្នកគាំទ្រជាច្រើនចូលរួមអបអរសាទរអ្នកទាំងពីរ ព្រមទាំងជូនពរអ្នកទាំងពីរឲ្យស្រលាញ់គ្នារហូត និងរង់ចាំដំណឹងល្អ ថ្ងៃចូលរោងការរវាងតារាប្រុសស្រីនេះ ក្នុងពេលឆាប់ៗផងដែរ៕  

សូមទស្សនារូបភាព និងជូនវីដេអូខាងក្រោម៖

• ទេព បូព្រឹក្ស
• តារាខ្មែរ