តារាកម្សាន្ត៖ អាចនិយាយបានថា នៅក្នុងពិភពសិល្បៈ ក្នុងនាមមានឈ្មោះជាតារាមួយរូប រមែងតែងតែទទួលបានការអាណិត ចូលចិត្តស្រលាញ់ពីបណ្ដាមហាជនក៏ដូចជាអ្នកគាំទ្រ។ ប៉ុន្តែទន្ទឹមនឹងនេះ ក៏នៅតែចៀសមិនផុតពីការរិះគន់ពីមជ្ឈដ្ឋានមួយចំនួននោះដែរ ជាពិសេសគឺអ្នកដែលអង្គុយចាំតែទើសផ្ទាល់តែម្ដង។
ជាក់ស្ដែង បើនិយាយដល់តារាប្រុសស្រីទាំងប៉ុន្មាននាក់ខាងក្រោមនេះវិញ ប្រិយមិត្តខ្លះក៏ប្រហែលជាធ្លាប់បានដឹងហើយថា ពួកគេធ្លាប់ត្រូវបានមហាជនរិះគន់មកលើពួកគេ ជាមួយនឹងពាក្យពេចន៍អាក្រក់ៗជាច្រើនស្ទើរតែមិនអាចទទួលយកបាន និងស្ទើរតែធ្វើឲ្យពួកគេបាក់ទឹកចិត្តលាឈប់ពីសិល្បៈថែមទៀផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ទោះមានរឿងរ៉ាវបែបនេះបានធ្លាក់មកលើពួកគេយ៉ាងណាក៏ដោយ ក៏តារាទាំងនេះនៅតែអាចរឹងមាំ តស៊ូ ព្យាយាមយកពាក្យរិះគន់ទាំងនោះ យកមកអភិវឌ្ឍខ្លួនឯង រហូតនៅតែអាចរក្សាប្រជាប្រិយភាពបានកាន់តែខ្លាំង និងជោគជ័យខ្លាំងជាមួយជីវិតការងាររបស់ពួកគេផងដែរ៕
តារាទាំងនោះ មានដូចខាងក្រោម៖
១.វ៉ាន់ នីឡា
កាលពីជាង ៥ឆ្នាំមុន តារាចម្រៀងស្រីរូបនេះ ធ្លាប់ត្រូវបានគេប្រើពាក្យជេរប្រមាថមើលងាយជាហូរហែ ក្រោយពេលនាងបែកធ្លាយរូបអាក្រាតដោយសារអតីតគូស្នេហ៍។ ប៉ុន្តែមកទល់ពេលនេះ ការរិះគន់ទាំងនោះ ក៏បានរសាត់ឆ្ងាយចេញពីចិត្តមហាជនអស់ហើយដែរ ហើយនាងក៏ចាប់ផ្ដើមលេចមុខក្នុងសិល្បៈវិញជារឿយៗ។
![](https://s9.kh1.co/39/393d7d787bd81e118621d7ae2684bfa46891b3ec.png)
២.ពេជ្រ សូលីកា
កាលពីឆ្នាំ ២០១៩ តារាម្រៀងស្រីរូបនេះ ក៏ត្រូវបានគេរិះគន់ច្រើនផងដែរ នៅពេលនាងមានជម្លោះរឿងយកអតីតសង្សារមិត្តភក្ដិរបស់ខ្លួន និងរឿងម្ដាយនាងជាឃាតករ។ តែក្រោយភ្លៀងមេឃក៏ស្រលះ ពេលនេះនាងក៏បានសាងគ្រួសារ និងរស់នៅយ៉ាងមានក្ដីសុខ និងមានប្រជាប្រិយភាពកាន់តែខ្លាំង។
![](https://s9.kh1.co/67/671d317e7eeb9c534bd9c5ec09b67e1aa5cda967.jpg)
៣.ម៉ានិត
តារាចម្រៀងដ៏មានទេពកោសល្យរូបនេះ ក៏ធ្លាប់ត្រូវបានគេ Bully លោកមកពីគ្រប់មជ្ឍដ្ឋានជុំវិញខ្លួនច្រើនដែរ។ ដោយគេបាននិយាយថា រូបលោកមានរាងកន្ធាត់ មិនសមធ្វើជាតារាចម្រៀងទេ។ តែពាក្យសម្ដីទាំងនោះ ម៉ានិត នៅតែមិនតបតដោយហិង្សារឡើយ ពោលគឺលោកបានយកសមត្ថភាពដ៏ល្អរបស់ខ្លួនមកបង្ហាញឲ្យគ្រប់គ្នាឃើញថា លោកពិតជាពូកែពិតមែន ទោះរូបរាងមិនអំណោយផលដូចអ្នកផ្សេងក៏ដោយ។ ហើយពេលនេះ តារារូបនេះក៏ជោគជ័យទាំងវិស័យចម្រៀង និងការនិពន្ធរឿងប្រលោមលោក។
![](https://s9.kh1.co/1b/1b602e6a686c8d55de4f9ef03a3a6994e8828026.jpg)
៤.ទេព បូព្រឹក្ស
តារារូបនេះ ក៏ត្រូវបានអ្នកស្អប់ ស្ដីថាឲ្យជាមួយពាក្យអសុរោះជាច្រើន និងថានាងជាតារាស្លៀកស៊ិចស៊ី លេចលើ លេចក្រោម មិនផ្ដល់តម្លៃជាស្ដ្រីខ្មែរ ហើយចេញបទចម្រៀងរាំញាក់កន្រ្តាក់ យកឈុតបុរាណមកស្លៀក ហាក់ចង់បំផ្លាញវប្បធម៌ជាដើម។ ក្រោយរងការរិះគន់ច្រើនបែបនេះ បូព្រឹក្ស នាងបាក់ទឹកស្ទើរចង់ឈប់ពីសិល្បៈ។ ប៉ុន្តែសព្វថ្ងៃ នាងក៏ជោគជ័យជាមួយមុខរបរផ្ទាល់ខ្លួនផងដែរ។
![](https://s9.kh1.co/30/30a3dbb6a2fdfb7252305851d1ce6da0caada446.jpg)
៥.ពេជ្រ សោភា
កាលអំឡុងឆ្នាំ ២០១៣ និង២០១៤ តារារូបនេះក៏ត្រូវបានអ្នកខ្លះស្ដីថា ជាតារាដែលគ្មានអ្វីជារបស់ខ្លួនឯង ដោយនាងតែងតែលួចចម្លងស្នាដៃបទភ្លេងពីបទបរទេស ហើយថែមទាំងចម្លងការតែងខ្លួនឲ្យដូចគេទាំងស្រុងទៀត។ តែពាក្យសម្ដីទាំងនោះ ក៏មិនអាចបំបាក់នាងបានដែរ ព្រោះក្រោយពីនោះ ពេជ្រ សោភា ក៏ចាប់ផ្ដើមផលិតបទចម្រៀងថ្មីៗជារបស់ខ្លួនឯងរហូតមានការគាំទ្រច្រើនខ្លាំងដល់សព្វថ្ងៃ។
![](https://s9.kh1.co/60/6080101427ec8e834de12bfe9e67895b3acd1b24.png)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]