ចប់កម្មវិធីភ្លាម មាន សូនីតា និង ម៉ានិត មានកិត្តិយស បានការអញ្ជើញពិសាអាហារពេលល្ងាច ពីឯកអគ្គរាជទូតកម្ពុជា​ប្រចាំ​បារាំងភ្លែត!

ប៉ារីស៖ ក្រោយពីបានដើរលើកម្រាលព្រំក្រហម នៃ Cannes Film Festival តារាសម្តែង មាន សូនីតា និងតារាចម្រៀងនិងអ្នកនិពន្ធ លោក ម៉ុង ម៉ានិត ពិតជាមានកិត្តិយសដោយបានទទួលការអញ្ជើញចូលជួបសំណេះសំណាល និងពិសាអាហារពេលល្ងាចពីស្ថានទូតកម្ពុជាប្រចាំប្រទេសបារាំង នៅទីក្រុងប៉ារីស។

នាឱកាសដ៏វិសេសមួយនេះ តារាស្រីរូបនេះ​ ក៏សូមអរគុណ ដ៏ឯកឧត្តម លុយ ដាវីត ដែលជាឯកអគ្គរាជទូតកម្ពុជាប្រចាំប្រទេសបារាំង បានធ្វើការកោតសរសើរពីគំនិតផ្ដួចផ្ដើមនៃការយកក្រមាខ្មែរមកច្នៃជាម៉ូតដ៏ល្អប្លែក ដែលរួមបញ្ចូលទាំងវប្បធម៌ និងរចនាបថខ្មែរទៅកាន់ឆាកអន្ដរជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា វត្តមានរបស់ តារាសម្តែង មាន សូនីតា បង្ហាញខ្លួនលើ កម្រាលព្រំក្រហម ក្នុងកម្មវិធីធំប្រចាំឆ្នាំ មហោស្រពភាពយន្តទីក្រុងកាន លើកទី ៧៧ ក្នុងប្រទេសបារាំង បានមានការចាប់អារម្មណ៍គួរឲ្យកត់សម្គាល់ ដោយគេហទំព័របរទេស ក៏ដូចជាសារព័ត៌មានបរទេស បានចុះផ្សាយអំពីតារាស្រីរូបនេះទៀតផង៕

• មាន សូនីតា
• ម៉ុង ម៉ានិត
• តារាខ្មែរ