តារាស្រី២រូបនេះ ហ្វេនសង្ស័យទៅកែច្រមុះ ក្រោយឃើញខ្ទង់ច្រមុះស្រួចជាងមុន

ភ្នំពេញ៖ កើតមកមានរូបសម្រស់ និងមុខមាត់ស្អាតវាជារឿងមួយដែលសំណាងបំផុត តែបច្ចុប្បន្នបើទោះបីមានសម្រស់ស្អាតសមល្មមយ៉ាងណា ក៏មនុស្សភាគច្រើននៅតែមិនពេញចិត្ត រហូតជ្រើសរើសការកែសម្ផស្សបន្ថែម ដើម្បីឲ្យរូបឆោមមើលទៅស្អាតប្លែកជាងមុន។ ម្យ៉ាងការកែសម្ផស្ស មិនបានគិតទៅលើមនុស្សប្រុសឬមនុស្សស្រីឡើយ ឲ្យតែមានលុយចង់ផ្លាស់ប្ដូរមុខមាត់ គឺអាចធ្វើបានទាំងអស់។

ជាមួយគ្នានេះដែរ ការកែសម្ផស្សមានមនុស្សភាគច្រើន មិនចង់បើកបង្ហាញឲ្យគេគ្រប់គ្នាបានដឹងឡើយ ជាពិសេសតារាមួុយចំនួននៅតែលាកលៀមមិនហ៊ានបើកបង្ហាញថាខ្លួនធ្លាប់បានឆ្លងកាត់មុខកំបិទវះកាត់កែសម្ផស្ស។ ក្នុងនោះ ក៏មានតារាមួយចំនួនផ្សេងទៀត មានភាពក្លាហានបើកបង្ហាញថាខ្លួន បានកែច្រមុះ ចាក់ចង្កា ឬកាត់ត្របកភ្នែកជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះហ្វេនតារាខ្មែរជាច្រើនបានសម្លឹងឃើញតារាស្រីល្បីប្រចាំប្រទេសពីររូប មានទម្រង់មុខ និងច្រមុះខុសប្លែកជាងរាល់ដង ហើយហ្វេនសង្ស័យថាសិល្បការិនីទាំងពីរដួងនោះ ទើបនឹងកែច្រមុះលើកខ្ទង់ឲ្យខ្ពស់ស្អាត។ ដោយតារាស្រីត្រូវបានអ្នកគាំទ្រសង្ស័យថាកែច្រមុះនោះមានដូចជា៖

១៖ អ្នកនាង ឱក សុគន្ធកញ្ញា

កំពូលតារាចម្រៀងលំដាប់ប្រទេស អ្នកនាង ឱក សុគន្ធកញ្ញា ថ្មីៗនេះរូបសម្រស់នាងហាក់មានភាពខុសប្លែកជាងរាល់ដងខណៈច្រមុះខ្ពស់ស្រួស ទម្រង់មុខតូចជាងមុន ជាពិសេសបាត់ប្រជ្រុយនៅចង្កាខាងស្ដាំទៀតផង។

២៖ អ្នកនាង ទូច ស្រីល័ក្ខ

បើក្រឡេកមើលតារាសម្ដែង និងតារាចម្រៀងស្រីពូកែវោហាស័ព្ទអ្នកនាង ទូច ស្រីល័ក្ខ ថ្មីៗនេះនាងបានបង្ហោះរូបប៉ុន្មានសន្លឹកលើគណនីផ្ទាល់ខ្លួន ដោយហ្វេនសង្កេតឃើញច្រមុះនាងតូចស្រួចស្អាតជាងមុន ទើបអ្នកគាំទ្រសង្ស័យថានាងទើបតែកែច្រមុះថ្មី។

• ទូច ស្រីល័ក្ខ
• ឱក សុគន្ធកញ្ញា
• រូបភាព
• តារាខ្មែរ