ជឿអត់ ថា៣០ឆ្នាំក្រាស់? បើ កែវ ចាន់និមល​ ស្រស់យ៉ាងហ្នឹង

ភ្នំពេញ៖ ប្រជាប្រិយភាពរបស់ ពិធីការិនី កែវ ចាន់និមល កំពុងតែទទួលបានការចាប់អារម្មណ៍ និងឡើងកូដខ្លាំង នៅក្នុងសង្គមសិល្បៈ ដែលគ្រប់កម្មវិធី មិនថាតូច​​ ឬធំ សុទ្ធតែឃើញវត្តអ្នកនាងជានិច្ច ដោយសារតែទេពកោសល្យក្នុងការនិយាយ និងសមត្ថភាពដ៏ប៉ិនប្រសប់របស់នាង។  

បើក្រឡេកមើលជីវិតឯកជនរបស់ តារាស្រីរូបនេះ ក៏មានភាពហាយសូរមិនចាញ់ តារាស្រីដទៃប៉ុន្មានទេ ដែលតែងតែប្រើពេលវេលាសប្បាយ​​ និងជួនកាលយកពេលដើរលេងក្រៅប្រទេស ជាមួយនឹងក្រុមគ្រួសារ និងមិត្តភក្តិ ឡើងរំភើយ។ ជាងនេះទៅទៀត បើមើលពីសម្រស់របស់ពិធីការិនីឆ្នើមរូបនេះវិញ ទោះបីមមាញឹកនឹងការងារយ៉ាង ណាក៏ដោយក៏សម្រស់របស់អ្នកនាងនៅតែស្រស់ស្អាត និងលេចធ្លោជាងមុនទៀត ទោះជាវ័យកាន់តែទៅ មុខ និងកូនធំទន្ទឹមខ្លួនហើយក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង អ្វីដែលធ្វើឲ្យទស្សនិកជនរាល់គ្នា ​មានការចាប់អារម្មណ៍ខ្លាំងនោះ កាលពីថ្មីៗនេះ​នៅគណនីហ្វេសប៊ុកជាផ្លូវការរបស់ អ្នកម្តាយសម័យថ្មីនេះ បានបង្ហោះរូបថតប៉ុន្មានសន្លឹក ដែលបានរៀបចំតុបតែងខ្លួន ក្នុងឈុតអៀបក្រហមឆ្នូតរឹបរាង ដែលបានបញ្ចេញរាងឡើងខ្ងង់ពិតជាគួរឲ្យទាក់ទាញខ្លាំងណាស់។ ដូចវ័យត្រឹមតែ២០ឆ្នាំ ខណៈដែលអ្នកនាងមានវ័យ៣០ក្រាស់ទៅហើយ៕

សូមទស្សនារូបភាពខាងក្រោម៖

• កែវ ចាន់និមល
• តារាខ្មែរ