អតីតតារាចម្រៀង អែន ជី ប៉ះជាមួយបវរកញ្ញា រឿន ណាត សម្រស់ស្អាតម៉្យាងម្នាក់

ភ្នំពេញ៖ តារាចម្រៀងអ្នកនាង អេន ជី ទោះច្រើនឆ្នាំមកនេះមិនចេញបទចម្រៀងច្រើនដូចមុន ក៏នាងនៅតែទទួលបានការចាប់អារម្មណ៍ពីមហាជនដដែល។ ជាពិសេស បន្ទាប់ពីរៀបការមានស្វាមី និងកូនប្រុសមួយរួចមក តារាស្រីរូបនេះ កាន់តែមានហ្វេនចង់ដឹង ចង់ឃើញពីជីវិតរស់នៅឯកជនមិនចាញ់ពេលមុនៗឡើយ។ ម្យ៉ាងវិញទៀត បច្ចុប្បន្ននាងកំពុងកសាងជីវិតគ្រួសារយ៉ាងមានក្ដីសុខ ពោរពេញដោយសុភមង្គលខ្លាំង ខណៈមានស្វាមីចេះយល់ចិត្តយ៉ាងដូច្នេះ។ 

ជាមួយគ្នានេះដែរ បើក្រឡេកទៅមើលការងារនាពេលបច្ចុប្បន្នរបស់អ្នកនាង អេន ជី គេដឹងផងដែរថា តារារូបនេះជោគជ័យលើមុខជំនួញលក់ផុំលិតផលតាមអនឡាញផងដែរ។​ ក្នុងនោះដែរ ស្របពេលជំនួញកាន់តែរីកចម្រើន គេសង្កេតឃើញអ្នកម៉ាក់សម័យថ្មីរូបនេះ ប្រើជីវិតយ៉ាងស៊ីវិល័យ ហ៊ឺហារជាងពេលនៅក្រមុំខ្លួនមួយទៅទៀត។ បើនិយាយពីរូបសម្រស់វិញ ក្មេងជំនាន់ក្រោយសុំខ្មាសតែម្ដង ដោសារនាងពិតជាពូកែថែករក្សាសម្រស់ឲ្យនៅក្មេងស្អាតបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង កាលពេលថ្មីៗនេះ អ្នកនាង អេន ជី បានធ្វើឲ្យហ្វេនភ្ញាក់ផ្អើលភ្លឹកនឹងរូបឆោមដ៏ស្រស់ស្អាតផូរផង់របស់នាងជាថ្មីម្ដងទៀត ខណៈតារារូបនេះបានតុបតែងខ្លួនបែបបវរកញ្ញា ស្លៀករ៉ូបប៉ាក់ឌិនភ្លឺផ្លេក ព្រមទាំងពាក់មកុដយ៉ាងដូច្នេះ។ មិនតែប៉ុណ្ណោះ ក្រោយរៀបចំខ្លួនបែបបវរកញ្ញារួច គេឃើញសម្រស់នាងកាន់តែលេចធ្លោ ហើយស្រស់សោភាថែមមួយកម្រិត បើទោះបីពេលនេះមានកូនមួយរួចក៏ពិតមែន។ ម្យ៉ាងវិញទៀត ពេលឈរថតជិតអតីតបវរកញ្ញាចក្រវាឡឆ្នាំ២០១៨កញ្ញា រឿន​ ណាត មើលទៅសម្រស់ប្រហាក់ប្រហែលគ្នា ហើយស្អាតមិនចាញ់គ្នាប៉ុន្មានឡើយ៕

សូមទស្សនារូបភាពខាងក្រោម៖

• អេន ជី
• រូបភាព
• តារាខ្មែរ