ស្ងាត់មាត់អ្នករិះគន់ឲ្យជ្រាប ពេលឃើញ ទេព បូព្រឹក្ស តែងខ្លួនក្នុងឈុតបុរាណខ្មែរបែបនេះ

តារាកម្សាន្ត៖ កាលពីពេលថ្មីៗកន្លងទៅនេះ តារាចម្រៀងស្រីដ៏ល្បី កញ្ញា ទេពបូព្រឹក្ស បានសាងភាពភ្ញាក់ផ្អើលជាខ្លាំង ដល់មហាជន និងជាពិសេសចំពោះហ្វេនៗដែលជាអ្នកនិយមគាំទ្រខ្លួន ក្រោយបានបង្ហាញរូបថតប៉ុន្មានសន្លឹក ថតតែងក្នុងឈុតបុរាណដ៏ប្រណីត រហូតធ្វើឲ្យហ្វេនៗ និងអ្នកលេងបណ្តាញសង្គមហ្វេសប៊ុកផ្ទុះការគាំទ្រសឹងតែគ្រប់គ្នាតែម្តង។

ជាក់ស្តែងនៅក្នុងរូបថតនោះ តារាស្រីម្ចាស់បទ Myសង្សារ កញ្ញា ទេពបូព្រឹក្ស បានបង្ហាញនូវឈុតបុរាណខ្មែរ ដោយមានពាក់ក្បិន និងឈៀង ព្រមទាំងស្បែបុរាណខ្មែរ អមដោយទម្រង់សិល្ប:ល្ខោនខោលដែលជាសម្បត្តិបេតិកភណ្ឌអរូបីនៃមនុស្សរបស់កម្ពុជា និងមានដើមកំណើតនៃការសម្តែងក្នុងអំឡុងស.វទី៩ ក្នុងរជ្ជកាលព្រះបាទ ជ័យវរ្ម័នទី៥ (គ.ស ៩៦៨-១០០១) នេះបើយោងតាមរយៈសិលាចារឹក តំបន់ស្ទឹងស្រែង ខេត្តសៀមរាប។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែលថា កាលពីពេលកន្លងទៅ កញ្ញាទេពបូព្រឹក្ស ក៏តែងតែរំលេចនូវវប្បធម៌របស់កម្ពុជានៅក្នុងបទចម្រៀងខ្លួនផងដែរ រួមមានជាអាទិ៍បទ ឆ្នាំថ្មីសុំម៉ាប្លែក បទអួតសាហាវ និងបទ Put Your Hand Up ជាដើម។ល។

ចង់ឃើញថាតើ កញ្ញាទេព បូព្រឹក្ស ស្រស់ស្អាតយ៉ាងណានៅក្នុងឈុតបុរាណខ្មែរនោះ សូមទស្សនារូបភាពខាងក្រោមទាំងអស់គ្នា៖

ប្រភពរូបភាព៖ គេហទំព័រហ្វេសប៊ុក សំអាងការ លុច្សសារីហ្គោល / Luxury Gold Embellishments

• ទេព បូព្រឹក្ស
• រូបភាព
• តារាខ្មែរ