ស្ងាត់ៗ អ្នកនាង ស្វែង សុជាតា បង្អួតផ្ទះខ្ទង់១០ម៉ឺនដុល្លារ ជាមួយសម្លាញ់(មានវីដេអូ)

រាជធានីភ្នំពេញ ៖ ពិតណាស់ អ្នកនាង ស្វែង សុជាតា ជាតារាសម្តែងជើងចាស់ម្នាក់ ដែលមហាជនជាច្រើនពេញចិត្តនឹងសមត្ថភាពសម្តែង មិនថាជាតួឆ្នាស់ ស្លូត ឬកំសត់ឡើយ តារាស្រីរូបនេះ ដើរតួបានយ៉ាងល្អឥតខ្ចោះតែម្តង រហូតមកដល់សព្វថ្ងៃនេះ អាយុជ្រេហើយក្តី តែរូបនាងនៅមានទីផ្សារការងារសម្តែងដដែរ។

ទន្ទឹមនឹងនេះ ក្រោយលេចឮដំណឹងលក់ផ្ទះក្នុងសម័យកូវីដ បានប៉ុន្មានខែមក ពេលនេះ បងប្អូនអ្នកគាំទ្រចំហមាត់ បន្ទាប់ពី តារាស្រីរូបនេះ រៀបចំកម្មវិធីឡើងគេហដ្ឋានថ្មី ជាផ្ទះល្វែងនៅបុរីពិភពថ្មីចំការដូង៣ ជាមួយគ្នានេះ រូបនាងក៏បានបញ្ជាក់ពីតម្លៃផ្ទះ គឺលោតក្បែរ ១១ម៉ឺនដុល្លារឯណោះ ជាផ្ទះដែលចូលលុយគ្នាជាមួយមិត្តភក្តិសម្លាញ់ ទិញទុកធ្វើជាកន្លែងធ្វើការ​ ព្រោះរូបនាងនិងមិត្តភក្តិកំពុងដំណើរការ ការរកស៊ីជាមួយគ្នា​ ដូច្នេះតម្រូវឲ្យមានការប្រាស្រ័យទាក់ទងនឹងគ្នាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត រូបនាងបង្ហើបពីមូលហេតុនៃការរៀបចំពិធីភ្លាមៗ ព្រោះតែ ជំងឺទឹកដក់និងខ្យល់ក្នុងពោះវៀន ត្រូវការព្យាបាលភ្លាមៗ ម្យ៉ាងទៀត ក្នុងមួយជីវិតខ្លួនមិនធ្លាប់រៀបចំពិធីណាមួយឲ្យធំដុំដូចគេឯងនោះឡើយ ដូច្នេះជួនពេល ចំថ្ងៃល្អ រូបនាងនិងមិត្តភក្តិក៏សម្រេចធ្វើឲ្យរួចរាល់តែម្តង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ប្រភព ៖ សិល្បករកម្ពុជា និងសង្គម

• ស្វែង សុជាតា
• ការងារ
• ជីវិត
• រូបភាព
• តារាខ្មែរ