តើគួរបន្តប្រើឱសថពពួក GLP-1 receptor agonists លើអ្នកជំងឺទឹកនោមផ្អែមពេលឆ្លងវីរុសកូវីដ-១៩ ដែរឬទេ?

អ្នកមានជំងឺប្រចាំកាយត្រូវគេដឹងជាទូទៅថានឹងមានផលប៉ះពាល់ធ្ងន់ធ្ងរបើឆ្លងជំងឺកូវីដ-១៩។ មូលហេតុដែលអ្នកមានជំងឺប្រចាំកាយអាចមានស្ថានភាពជំងឺកាន់តែធ្ងន់ពេលឆ្លងកូវីដ-១៩ អាចមកពីកូវីដ-១៩ ធ្វើឲ្យរាងកាយចុះខ្សោយ ឬប្រព័ន្ធការពាររាងកាយចុះខ្សោយដោយសារប្រឆាំងនឹងកូវីដ-១៩។ ហេតុដូចនេះហើយ ទើបអ្នកមានជំងឺប្រចាំកាយគួរគ្រប់គ្រងស្ថានភាពជំងឺឲ្យបានល្អជានិច្ច ទោះថាមានឆ្លងកូវីដ-១៩ ក៏អាចថាមិនអាចបង្កឲ្យស្ថានភាពជំងឺប្រែទៅជាធ្ងន់ធ្ងរ។

អ្នកមានជំងឺទឹកនោមផ្អែមក៏ប្រឈមហានិភ័យដែរ បើសិនជាឆ្លងជំងឺកូវីដ-១៩។ កម្រិតជាតិស្ករក្នុងឈាមអាចកើនឡើងទាំងដោយសារជំងឺកូវីដ-១៩ ឬថ្នាំsteroids ប្រើប្រើសម្រាប់ព្យាបាលជំងឺកូវីដ-១៩។ ក្នុងករណីមួយចំនួន ថ្នាំប្រឆាំងជំងឺទឹកនោមផ្អែម (ដូចជា Metformin) អាចត្រូវឈប់ឲ្យប្រើ និងជំនួសវិញដោយថ្នាំប្រភេទផ្សេង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើដូច្នេះតើចំពោះ អ្នកជំងឺទឹកនោមផ្អែមឆ្លងវីរុសកូវីដ-១៩ គួរតែបន្តប្រើឱសថពពួកGLP-1 receptor agonists ដែរទេ?

បើប្រៀបធៀបទៅនឹងថ្នាំប្រឆាំងនឹងជំងឺទឹកនោមផ្អែមផ្សេងទៀត ពពួកថ្នាំGLP-1 receptor agonists (ដូចជា Liraglutide)

ផ្ដល់អត្ថប្រយោជន៍ច្រើនយ៉ាង៖

គ្រប់គ្រងជំងឺទឹកនោមផ្អែមបានល្អ
បន្ថយចំណង់អាហារ ជួយឲ្យស្រកទម្ងន់
ការពារជំងឺបេះដូង
ការពារផលវិបាកកើតលើតម្រងនោមបង្កដោយជំងឺទឹកនោមផ្អែម

GLP-1 receptor agonistsត្រូវបានគេប្រើប្រាស់យ៉ាងទូលំទូលាយ ព្រោះថាអាចជួយគ្រប់គ្រងកម្រិតជាតិស្ករក្នុងឈាម និងការពារផលវិបាកផ្សេងៗបង្កដោយជំងឺទឹកនោមផ្អែម។

ក្នុងករណីអ្នកជំងឺទឹកនោមផ្អែមកើតជំងឺកូវីដ-១៩ ពពួកថ្នាំGLP-1 receptor agonists តែងប្រើជំនួសថ្នាំដែលអ្នកជំងឺធ្លាប់ប្រើ។

ជួយកាត់បន្ថយភ្នាក់ងារបង្កការរលាក (endotoxin, IL-1β, and IL-6) ដែលអាចបង្កឲ្យមាន cytokine storm (ជាដំណើរការនៃការរលាកកើនឡើងច្រើន)។ ជាពិសេស IL-6 ដែលអាចបង្កឲ្យមានការឆ្លើយតបទៅនឹងការរលាកធ្ងន់ធ្ងរ។
ភាគច្រើននៃ GLP-1 receptor agonists មានប្រសិទ្ធភាពយូរ ដូចនេះថ្នាំប្រភេទនេះអាចប្រើតែម្ដងក្នុងមួយថ្ងៃ (ករណីខ្លះ ប្រើតែម្ដងក្នុងមួយសប្ដាហ៍)។ ដោយសារតែពពួកថ្នាំប្រភេទនេះប្រើសម្រាប់ចាក់នៅក្រោមស្បែក ដូចនេះអ្នកជំងឺអាចចាក់បានដោយខ្លួនឯង និងអាចកាត់បន្ថយការទាក់ទងគ្នាជាមួយអ្នកផ្សេងដែលមិនចាំបាច់។
ក្រៅពីជួយដល់អ្នកជំងឺទឹកនោមផ្អែម ពពួកថ្នាំនេះក៏ជួយបន្ថយហានិភ័យផលវិបាកផ្សេងៗកើតលើបេះដូង និងតម្រងនោមផងដែរ។

ការព្យាបាលជំងឺកូវីដ-១៩ លើអ្នកជំងឺទឹកនោមផ្អែម

អ្នកមានជំងឺទឹកនោមផ្អែម និងឆ្លងកូវីដ-១៩ ទៀតនោះនឹងធ្វើឲ្យសភាពជំងឺកាន់តែធ្ងន់ធ្ងរ ក៏ដូចជាហានិភ័យគ្រោះថ្នាក់ដល់អាយុជីវិត។ យ៉ាងណា ក៏មានករណីច្រើនដែរ ដែលអ្នកជំងឺទឹកនោមផ្អែម បានជាសះស្បើយពីជំងឺកូវីដ-១៩។ ដើម្បីឲ្យបានជាសះ

ស្បើយពីជំងឺកូវីដ-១៩ អ្នកជំងឺត្រូវ៖

ពិភាក្សាជាមួយគ្រូពេទ្យភ្លាមៗក្រោយមានលេចចេញរោគសញ្ញា
ហាត់ប្រាណជួយដល់ការគ្រប់គ្រងជំងឺទឹកនោមផ្អែម
ប្រើប្រាស់ថ្នាំប្រឆាំងជំងឺទឹកនោមផ្អែមតាមវេជ្ជបញ្ជា
ញ៉ាំអាហារសម្បូរសារធាតុចិញ្ចឹម ចៀសវាងអាហារណាធ្វើឲ្យឡើងជាតិស្ករក្នុងឈាម
ធ្វើលំហាត់ប្រាណកម្រិតស្រាល បើអាចធ្វើបាន។ ការហាត់ប្រាណជួយគ្រប់គ្រងជំងឺទឹកនោមផ្អែម និងជួយការពារបញ្ហាមានដុំកំណកឈាមបង្កដោយជំងឺកូវីដ-១៩។

អ្វីដែលសំខាន់ គឺត្រូវពិភាក្សាជាមួយគ្រូពេទ្យថាតើគួរបន្តប្រើថ្នាំប្រឆាំងជំងឺទឹកនោមផ្អែមទៀតឬយ៉ាងណាពេលចេញរោគសញ្ញាកូវីដ-១៩។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តើគួរបន្តប្រើឱសថពពួក​​ GLP-1 receptor agonists លើអ្នក​ជំងឺ​ទឹក​នោម​ផ្អែម​ពេល​ឆ្លង​វីរុសកូវីដ-១៩ ដែរឬទេ?​

ការ​ព្យាបាល​ជំងឺ​កូវីដ-១៩ លើ​អ្នក​ជំងឺ​ទឹក​នោម​ផ្អែម​

In Case You Missed It

តើគួរបន្តប្រើឱសថពពួក GLP-1 receptor agonists លើអ្នកជំងឺទឹកនោមផ្អែមពេលឆ្លងវីរុសកូវីដ-១៩ ដែរឬទេ?

ការព្យាបាលជំងឺកូវីដ-១៩ លើអ្នកជំងឺទឹកនោមផ្អែម