ស្តាប់ឡើងព្រឺសម្បុរ ពេលលឺ ម៉េង កែវពេជ្ជតា ច្រៀងគោកដូចចាក់ឌីស (មានវីដេអូ)

ភ្នំពេញ៖ ជាការពិតណាស់ កំពូលតារាចម្រៀងជើងចាស់ដ៏មានប្រជាប្រិយភាព អ្នកនាង ម៉េង កែវពេជ្ជតា ចាប់តាំងពីមានឈ្មោះបោះសម្លេងក្នុងវិធីសិល្បៈដំបូងៗមក នាងតែងត្រូវបានមហាជនទទួលស្គាល់ និងកោតសរសើរអំពីទេពកោសល្យការច្រៀងរបស់នាងបានយ៉ាងពីរោះរណ្ដំ។

ទន្ទឹមនឹងនេះ ក្រៅពីមានទឹកដមសំនៀងច្រៀងបានពីរោះគ្រប់ទម្រង់ហើយនោះ តារាស្រីវ័យ ៤៦ឆ្នាំរូបនេះ ក៏មានសម្រស់ស្រស់ស្អាតមិនធម្មតាដែរ ខណៈពេលនេះវ័យក៏កាន់តែដើរទៅមុខទៅហើយក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាងនេះទៅទៀត អ្នកនាង ម៉េង កែវពេជ្ជតា ត្រូវបានមហាជនស្ញើចសសើរមិនដាច់ពីមាត់គ្រប់គ្នា ក្រោយអ្នកនាងបានចូលរួមបង្ហាញខ្លួនក្នុងកម្មវិធី«អ្នកជិតខាង» ព្រមទាំងបានបង្ហើរសំនៀងដោយច្រៀងផ្ទាល់ជាច្រើនបទ គ្មានភ្លេងអ្វីទាំងអស់។ អ្វីដែលពិសេសនោះគឺ សម្លេងតារាជើងចាស់រូបនេះ ពិតជាពិរោះស្រួយស្រទន់ផ្អែម អន្លង់អន្លោចខ្លាំងមែនទែន សឹងតែមិនជឿថា អ្នកនាងច្រៀងផ្ទាល់នោះទេ គឺដូចជាសម្លេងចាក់ឌីសអញ្ចឹង។ ដោយហេតុនេះហើយ ទើបអ្នកគាំទ្រនៅតែរក្សាឈ្មោះរាជនីសម្លេងនេះ ឲ្យទៅអ្នកនាង ម៉េង កែវពេជ្ជតា មកដលសព្វថ្ងៃ៕

សូមទស្សនារូបភាព និងជូនវីដេអូខាងក្រោម៖

@rathakkok #ពិរោះណាស់អាយដល?? ♬ original sound - Ratha

• ម៉េង កែវ​​ពេជ្ជតា
• តារាខ្មែរ