អាយដលជិតការមួយទៀតហើយ! KDo ម្ចាស់បទ «ដឹងទេថានឹក» បញ្ចេញរូបថត Pre-Wedding ឡើងសមគ្នា

ភ្នំពេញ៖ ជឿជាក់ថាប្រិយមិត្តដែលជាអ្នកនិយមតាមដាននិងគាំទ្រតារាចម្រៀង Original Song ច្បាស់ជាស្គាល់តារាចម្រៀងលោក KDo ម្ចាស់បទ «ដឹងទេថានឹក» និងបទ «គេល្អទេ» ដែលមកពីក្រុម September End ជាក់ជាមិនខាន ដោយសារតែបទចម្រៀងរបស់លោកពីរោះលន្លង់លន្លោច និងមានអ្នកស្ដាប់ច្រើនផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ បើងាកមកនិយាយពីរឿងរ៉ាវស្នេហារបស់ KDo វិញ កាលពីប៉ុន្មានខែមុន តារាប្រុសរូបនេះ ទើបតែបានចូលរោងភ្ជាប់ពាក្យតាមប្រពៃណីជាមួយនារីរូបស្អាតម្នាក់ ក្រោយទាក់ទងគ្នាមកជាច្រើនឆ្នាំ។

ជាមួយគ្នានេះទៀតសោត ថ្មីៗនេះខាង Studio ថតរូបមួយបានបញ្ចេញរូបភាពថត Pre-Wedding របស់តារារូបនេះជាច្រើនសន្លឹកធ្វើឲ្យអ្នកនិយមលេងបណ្ដាញសង្គម និងអ្នកគាំទ្រ មានការពេញចិត្តគ្រប់គ្នា។ ដោយក្នុងនោះ KDo និងអនាគតភរិយា បានតុបតែងខ្លួនបីបួនឈុតឯណោះ ដែលមានជាឈុតកូនកំលោះកូនក្រមុំបែបបុរាណ និងសម័យផងដែរ។ ពិសេសបូករួមនិងការផ្ដិតយកទេសភាពនៅក្នុងបរិវេណប្រាសាទអង្គរវត្តថែមទៀតនោះ ទើបធ្វើឲ្យរូបភាពនីមួយៗ មើលទៅស្រស់ស្អាតនិងសមគ្នាខ្លាំងមែនទែន៕

រូបភាព៖ One Memory

សូមទស្សនារូបភាពខាងក្រោម៖

• K-DO
• ស្នេហា
• រូបភាព
• តារាខ្មែរ