ស្នេហា​៨ឆ្នាំ​ ចិត្ត​ កញ្ចនា​ និងគូស្នេហ៍ នៅតែល្អូកល្អើន មើលវីដេអូចម្រៀង​នេះបានដឹង (មានវីដេអូ)

ភ្នំពេញ៖ ពិតណាស់​ ចិត្ត កញ្ចនា ជាតារាចម្រៀង Original Song មួយរូបដែលទទួលបានការគាំទ្រពីប្រិយមិត្តយុវវ័យច្រើននាពេលបច្ចុប្បន្ន តាមរយៈបទចម្រៀងពីរោះៗរបស់នាង ដែលធ្វើឲ្យគ្រប់គ្នាស្ដាប់ហើយត្រូវចិត្តនិងកាន់តែគាំទ្រនាងពីមួយថ្ងៃទៅមួយថ្ងៃគួរឲ្យកត់សម្គាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីពេលថ្មីៗនេះ តារាស្រីម្ចាស់បទ «ឈឺ» រូបនេះ ទើបតែបានបញ្ចេញ Teaser បទចម្រៀងថ្មីរបស់ខ្លួនមួយបទទៀត នៅលើគណនីផេកហ្វេសប៊ុកផ្ទាល់ខ្លួន ហ្វេនៗស្ដាប់ហើយចូលចិត្តស្ទើរគ្រប់គ្នា។

ដោយក្នុងនោះ បទចម្រៀងថ្មីមួយនេះរបស់ កញ្ចនា នាងបាននិពន្ធឡើងដោយបង្កប់នូវអត្ថន័យស្នេហាផ្អែមល្ហែមរវាងគូស្នេហ៍មួយគូ ពោលគឺដូចទៅនឹងរឿងរ៉ាវស្នេហាពិតរបស់នាងនិងគូស្នេហ៍ដែលស្រលាញ់គ្នាមក ៨ឆ្នាំយ៉ាងដូច្នោះ។ ហើយជាពិសេស បូករួមជាមួយរូបភាពរបស់នាងនិងគូស្នេហ៍ដាក់បញ្ចូលនៅក្នុងវីដេអូថែមទៀតនោះ មើលទៅចម្រៀងមួយបទនេះពិតជារ៉ូមែនទិក និងពីរោះខ្លាំង អ្នកណាៗក៏សរសើរ៕

សូមទស្សនាវីដេអូខាងក្រោម៖

• ចិត្ត កញ្ចនា
• វីដេអូ
• តារាខ្មែរ