ខួបកំណើតផង ខួបរៀបការផង តូតា រៀបចំជាមួយស្វាមី ឡើងផ្អែមដូចទឹកឃ្មុំ

ភ្នំពេញ៖ ដូចដែលប្រិយមិត្តដែលជាអ្នកគាំទ្របានដឹងហើយថា កាលពីថ្ងៃទី ១៦ ខែមិនា កន្លងទៅ គឺជាថ្ងៃខួបកំណើត និងជាថ្ងៃរំលឹកខួបអាពាហ៍ពិពាហ៍របស់តារាស្រី ម៉ាក សែនសូនីតា (តូតា) ប៉ុន្តែនាងមិនទាន់បានរៀបចំកម្មវិធីធំដុំអ្វីច្រើននោះឡើយ។

ដោយឡែក ប៉ុន្មានម៉ោងមុននេះ តូតា ក៏បានបង្ហោះរូបភាពជាច្រើនសន្លឹកនៅលើបណ្ដាញសង្គម  ដែលបង្ហាញពីកម្មវិធីជប់លៀង អបអរថ្ងៃខួបកំណើតរបស់នាងផង និងអបអរថ្ងៃខួបរៀបការ ២ឆ្នាំផង ធ្វើទៅយ៉ាងរីករាយ ដោយមានការចូលរួមពីសំណាក់មិត្តភក្ដិអ្នកសិល្បៈ និងអ្នកជិតស្និទ្ធមួយចំនួន ជាពិសេស គឺវត្តមានស្វាមីរបស់នាងផ្ទាល់តែម្ដង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយក្នុងនោះ យើងឃើញថា តូតា នឹងស្វាមី បានបង្ហាញសកម្មភាពអបអរពិធីជាមួយគ្នា ពោរពេញដោយស្នាមញញឹម និងក្ដីស្រលាញ់ឲ្យគ្នាទៅវិញទៅមក មើលទៅពិតជាមានភាពផ្អែមល្ហែមខ្លាំង រហូតអ្នកគាំទ្រឃើញហើយរំជើបរំជួលជំនួស៕

ទស្សនារូបភាពខាងក្រោម៖

• ម៉ាក សែនសូនីតា
• រូបភាព
• តារាខ្មែរ