ទ្រាំពាក្យរិះគន់មិនបាន ឆន សុវណ្ណរាជ ចេញបកស្រាយ ស្តាប់សមហេតុសមផល(មានវីដេអូ)

រាជធានីភ្នំពេញ ៖ ប្រឡូកក្នុងសិល្បៈជាង ១០ឆ្នាំទៅហើយ តារាចម្រៀង ឆន សុវណ្ណរាជ មិនធ្លាប់ជួបរឿងអាស្រូវ ត្រូវមហាជនរិះគន់ដល់ថ្នាក់នេះពីមុនមកឡើយ ផ្ទុយទៅវិញ ស្រាប់តែក្រោយពេល ឲ្យពិន្ទុបេក្ខភាពសម្លេងស្រដៀងខ្លួន ក្នុងការប្រកួត Cambodia Idol រដូវកាលទី៤ ធ្លាក់មក រូបលោកបែរជាត្រូវគេ រិះគន់មួយទំហឹង។

យ៉ាងណាមិញ ក្រោយទទួលការរិះគន់ មិនសមហេតុផលនិងកាន់តែខ្លាំងទៅៗ អស់ពីបង្ហោះសារបកស្រាយហើយនោះ តារាប្រុសរូបនេះ នៅLive បកស្រាយ ដែលក្នុងនោះ ធ្វើឲ្យបុគ្គលមួយចំនួនដែលធ្លាប់រិះគន់រូបលោក ស្វាងស្រឡះតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែង លោក ឆន សុវណ្ណរាជ បានរៀបរាប់ថា ៖

• ចំពោះ ការចោទប្រកាន់ថា រូបលោកជេ.រទៅមហាជន តាមរយៈបង្ហោះសារលើបណ្តាញសង្គម ដោយពាក្យថា «សត្វសាហា.វយ៉ាងណា ក៏មិនខ្លាចដូចក្លិនធុរេន» គឺតាំងពីតូចមក រូបលោកមិនចេះហូបធុរេនឡើយ ហើយពេលបង្ហោះជាមេ កំពុងឡាយនោះ គឺគាត់ហូបធុរេន ដែលធ្វើឲ្យខ្លួនចាញ់ក្លិន រហូតដល់កោសខ្យល់ ធីងធោងខ្លាំង រីឯ«​ខួរក្បាលមិនមែនធុងសម្រាម» គឺរូបលោកដកចេញពី សម្តីរបស់លោកគ្រូ គូ សុភាព ហើយប្រើរាប់ឆ្នាំទៅហើយ ប្រសិនបើ ពាក្យទាំងនេះ ប៉ះពាល់ដល់អារម្មណ៍មហាជន រូបលោកសុំទោសពិតមែន ។

• លើសពីនេះទៅទៀត ចំពោះវីដេអូ ដែលត្រូវគេកាត់ត បញ្ចូលគ្នារវាងវីដេអូ២ ដែលពាក់កណ្តាលជា ការបញ្ចេញមតិរបស់ខ្លួន ទៅបេក្ខភាព ឈិន រតនៈ និងពាក់កណ្តាលចុងក្រោយទៀត ជាការបញ្ចេញមតិរបស់ខ្លួនទៅ បេក្ខភាព ទុំ រដ្ឋា ដែលវីដេអូនេះ ធ្វើឲ្យគេកាន់តែខឹងសម្បា.រជាខ្លាំង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ឆន សុវណ្ណរាជ
• ការងារ
• ជីវិត
• វីដេអូ
• រូបភាព
• តារាខ្មែរ