កម្សាន្ត៖ ជាការពិតណាស់ កាលពីម្សិលមិញនេះ គឺជាថ្ងៃប្រគុំតន្ត្រីរបស់តារាចម្រៀងស្រី អ្នកនាង ទេព បូព្រឹក្ស ត្រូវនឹងថ្ងៃទី១៦ ខែកញ្ញា ឆ្នាំ២០២៣ ដែលមានអ្នកគាំទ្រចូលរួមទស្សនាយ៉ាងច្រើនកុះករ។ នៅក្នុងនោះ តារាស្រីរូបនេះ បានច្រៀងចម្រៀងពីរោះៗជាច្រើនបទ បង្កបរិយាកាសសប្បាយៗដល់អ្នកគាំទ្របន្ទាប់ពីបាត់មុខមួយរយៈមក។
អ្វីដែលធ្វើឲ្យហ្វេនកាន់តែរំភើបចិត្តទៀតនោះ តារាចម្រៀង ទេព បូព្រឹក្ស បាននាំដៃគូចាស់គឺ លោក ឆន សុវណ្ណរាជ មកឡើងសម្ដែងចម្រៀងរួមគ្នា។ ម៉្យាងទៀត អ្នកទាំងពីរបានកាន់ដៃគ្នាច្រៀង ធ្វើឲ្យអ្នកទស្សនានាំគ្នាស្រែកហ៊ោស្ទើតែបែកឆាកតន្ត្រី ដែលមិននឹកស្មាន ជាមួយនឹងវត្តមានរបស់តារាប្រុសរូបនេះ។
មិនតែប៉ុណ្ណោះ តារាស្រីសំនៀងស្រទន់រូបនេះ បាននិយាយថា ខ្លួនមិនដែលលើកយកបទនេះ មកច្រៀងនោះទេ ក៏ព្រោះតែចង់ច្រៀងដែរតែគ្មានដៃគូ ហើយពេលនេះ សំណាងមែនទែនដែលបានចាប់ដៃគូ ឆន សុវណ្ណរាជ ម្ដងទៀត ដើម្បីច្រៀងបទ ម្នាក់យំ ម្នាក់ហូរទឹកភ្នែក ដែលជំនាន់នោះ បទនេះទទួលបានការគាំទ្រយ៉ាងខ្លាំង៕
ប្រភព៖ DitWay Forever
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
