ជំងឺសើស្បែក អាចបង្កជាជំងឺសរសៃឈាមបេះដូងដែរទេ?

ពិតណាស់ ជំងឺសើស្បែក Psoriasis ជាជំងឺរលាករ៉ាំរ៉ៃ ដែលប៉ះពាល់ដល់ស្បែក និងសន្លាក់។ យ៉ាងណាមិញ ការរលាករយៈពេលយូរដោយសារតែជំងឺសើស្បែកនេះ អាចប៉ះពាល់ដល់បេះដូង សរសៃឈាម បង្កើនហានិភ័យក្នុងការកើតជំងឺសរសៃឈាមបេះដូង គាំងបេះដូង ឬគ្រោះថ្នាក់សរសៃឈាមខួរក្បាលផងដែរ។

ជំងឺសើស្បែកប៉ះពាល់ដល់ប្រព័ន្ធបេះដូងដោយរបៀបណា?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជំងឺសើស្បែក Psoriasis ជាជំងឺប្រព័ន្ធភាពស៊ាំប្រឆាំងនឹងខ្លួនឯង ដែលនាំឲ្យប្រព័ន្ធភាពស៊ាំវាយប្រហារកោសិកាល្អ។ ក្រៅពីបង្កការរលាកលើផ្ទៃខាងលើនៃស្បែក ការរលាកនៅក្នុងរាងកាយក៏អាចនាំឲ្យខូចដល់សរសៃឈាមដូចគ្នា។ ជាលទ្ធផល វានឹងបង្កើតការកកស្ទះ ឬកំណកនៅក្នុងសរសៃឈាមដែលផ្គត់ផ្គង់ឈាមទៅសាច់ដុំបេះដូង។ ហេតុដូច្នេះហើយ អ្នកដែលកើតជំងឺសើស្បែក Psoriasis មានហានិភ័យខ្ពស់ក្នុងការវិវត្តទៅជាជំងឺបេះដូង សម្ពាធឈាមខ្ពស់ ជំងឺទឹកនោមផ្អែម និងកូលេស្តេរ៉ូលខ្ពស់។

គន្លឹះកាត់បន្ថយជំងឺហានិភ័យនៃជំងឺបេះដូងសម្រាប់អ្នកជំងឺសើស្បែកPsoriasis

បើយើងមានជំងឺសើស្បែកPsoriasis យើងគួរតែយកចិត្តទុកដាក់ចំពោះរោគសញ្ញានៃជំងឺបេះដូង ក៏ដូចជាពិនិត្យសុខភាពបេះដូង ដើម្បីរកមើលកត្តាហានិភ័យ។ មួយវិញទៀត យើងក៏អាចអនុវត្តគន្លឹះមួយចំនួន ដើម្បីគ្រប់គ្រងជំងឺសើស្បែក ព្រមទាំងការពារសុខភាពបេះដូងដូចខាងក្រោម៖

១. ញ៉ាំអាហារសុខភាព

ចំពោះអាហារដែលយើងគួរញ៉ាំដើម្បីសុខភាពបេះដូង ក៏ដូចជាប្រឆាំងនឹងការរលាក រួមមានពពួកត្រីដែលមានខ្លាញ់ សាច់គ្មានខ្លាញ់ ទឹកដោះគោមានជាតិខ្លាញ់ទាប បន្លែ និងផ្លែឈើ។ មួយវិញទៀត គួរកាត់បន្ថយអាហារប្រៃ អាហារកែច្នៃ ព្រមទាំងកាត់បន្ថយការញ៉ាំគ្រឿងស្រវឹង។

២. ធ្វើលំហាត់ប្រាណជាទៀងទាត់

ទម្លាប់អសកម្មអាចបណ្ដាលឲ្យយើងធាត់បាន និងអាចប៉ះពាល់ដល់ទាំងរោគសញ្ញានៃជំងឺសើស្បែក និងសុខភាពបេះដូង។ សម្រាប់មនុស្សពេញវ័យ យកល្អត្រូវធ្វើលំហាត់ប្រាណយ៉ាងហោចណាស់ឲ្យបាន១៥០នាទីក្នុងមួយសប្ដាហ៍ ទើបជាការប្រសើរ។

៣. ឈប់ជក់បារី

ដូចគ្នាទៅនឹងទម្លាប់អសកម្មដែរ ការជក់បារីបង្កើនហានិភ័យដល់ទាំងជំងឺសើស្បែក និងជំងឺបេះដូង។ ដូច្នេះហើយ យើងចាំបាច់ត្រូវតែបញ្ឈប់ការជក់បារី ដែលបំផ្លាញសុខភាពធ្ងន់ធ្ងរ។

៤. ការប្រើប្រាស់ថ្នាំតាមវេជ្ជបញ្ជា

ថ្នាំដែលប្រើប្រាស់សម្រាប់ព្យាបាលជំងឺសើស្បែកPsoriasis អាចមានអត្ថប្រយោជន៍ដល់សុខភាពបេះដូង។ ដូចនេះ យើងគួរតែញ៉ាំថ្នាំឲ្យបានទៀងទាត់ និងត្រឹមត្រូវតាមវេជ្ជបញ្ជា។

ចំណុចសំខាន់

ជំងឺសើស្បែក Psoriasis ជាជំងឺរលាករ៉ាំរ៉ៃ ដែលប៉ះពាល់ដល់ស្បែក និងសន្លាក់ ហើយជំងឺសើស្បែកនេះ ក៏អាចប៉ះពាល់ដល់បេះដូង សរសៃឈាម បង្កើនហានិភ័យក្នុងការកើតជំងឺសរសៃឈាមបេះដូង គាំងបេះដូង ឬគ្រោះថ្នាក់សរសៃឈាមខួរក្បាលផងដែរ ប្រសិនបើការរលាកនៃជំងឺសើស្បែកនេះ បន្តរយៈពេលយូរ។ យ៉ាំងណាមិញ យើងនៅតែអាចការពារជំងឺបេះដូងបាន បើទោះបីជាយើងកំពុងប្រឈមនឹងជំងឺសើស្បែកយ៉ាងណាក្តី ដោយការអនុវត្តតាមគន្លឹះមួយចំនួនដូចជា ញ៉ាំអាហារល្អៗ ធ្វើលំហាត់ប្រាណទៀងទាត់ ឈប់ជក់បារី និងប្រើប្រាស់ថ្នាំតាមវេជ្ជបញ្ជា។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ជំងឺសើស្បែក អាចបង្កជាជំងឺសរសៃឈាមបេះដូងដែរទេ?

ជំងឺ​សើ​ស្បែក​ប៉ះពាល់​ដល់​ប្រព័ន្ធ​បេះដូង​ដោយ​របៀប​ណា​?

គន្លឹះ​កាត់បន្ថយ​ជំងឺ​ហានិភ័យ​​នៃ​ជំងឺ​បេះដូង​សម្រាប់​អ្នក​ជំងឺ​សើ​ស្បែកPsoriasis

១.​ ញ៉ាំ​អាហារ​សុខភាព​

២. ធ្វើ​លំហាត់​ប្រាណ​ជា​ទៀងទាត់

៣. ឈប់​ជក់​បារី​

៤. ការ​ប្រើប្រាស់​ថ្នាំ​តាម​វេជ្ជបញ្ជា​