ស្រីៗមានបញ្ហាគេងមិនលក់ដោយសារអ័រម៉ូន? នេះជាតិចនិកដោះស្រាយ!

បញ្ហា​អ័រម៉ូន​កើត​ឡើង​ញឹកញាប់​បំផុត​លើ​ស្ត្រី​ ជា​ពិសេស​អ្នក​ដែល​មាន​អាយុ​លើស​ពី​៣០​ឆ្នាំ​ឡើង​ទៅ។ ពិត​ណាស់​ កត្តា​ជា​ច្រើន​រួមចំណែក​​ប៉ះពាល់​ដល់​អ័រម៉ូន​អង់ដូគ្រីន​ចំពោះ​ស្ត្រី ដូចជា​ស្រ្តេស​រ៉ាំរ៉ៃ គេង​មិន​គ្រប់គ្រាន់​ កង្វះ​អាហារូបត្ថម្ភ​ល្អ ការ​ពពោះ និង​ការ​អស់​រដូវ ជា​ដើម​។

ជា​ទូទៅ ការ​គេង​មិន​លក់​ និង​ការ​ប្រែប្រួល​អ័រម៉ូន​មាន​ទំនាក់ទំនង​សាំញ៉ាំ និង​​មាន​ឥទ្ធិពល​លើ​គ្នា​​ទៅ​វិញ​ទៅ​មក​។ ដូច្នេះ​ហើយ​ យើង​គួរ​ព្យាបាល​បញ្ហា​ទាំង​ពីរ​ក្នុង​ពេល​តែ​មួយ​ ទើប​ទទួល​បាន​លទ្ធផល​ល្អ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

​អ័រម៉ូន​ដែល​ប៉ះពាល់​ដល់​ការ​គេង​

អ័រម៉ូន​ជា​ច្រើន​មាន​ប្រតិកម្ម​ជាមួយ​នឹង​ការ​គេង​ ដូចជា​៖

អ័រម៉ូន​Melatonin

អ័រម៉ូន​Progesterone​

អ័រម៉ូន​Estrogen

អ័រម៉ូន​Testosterone​

អ័រម៉ូន​Cortisol ជាដើម។

ការ​អស់​រដូវ​ប្រឈម​នឹង​ហានិភ័យ​នៃ​បញ្ហា​គេងបាត់ដង្ហើម​

​អំឡុង​ពេល​ និង​ក្រោយ​ពេល​អស់​រដូវ អ័រម៉ូនEstrogen និង​ Progesterone​​​ធ្លាក់​ចុះ​យ៉ាង​ខ្លាំង ដែល​នេះ​អាច​ជា​ហេតុផល​មួយ​ នាំ​ឲ្យ​កើត​បញ្ហា​គេង​បាត់​ដង្ហើម​។ បញ្ហា​គេង​បាត់​ដង្ហើម​នេះ​ ក៏​ជា​ហេតុ​ផល​មួយ​ដែល​ធ្វើ​ឲ្យ​យើង​កើត​​ជំងឺ​បាក់​ទឹក​ចិត្ត ការ​ប្រែប្រួល​អារម្មណ៍​ និង​ចុះ​ខ្សោយ​ការចង់ចាំ​ជា​ដើម។

គន្លឹះ​ជួយ​ឲ្យ​គេង​លក់​ស្កប់ស្កល់

ដើម្បី​ទទួល​បាន​សុខភាព​រឹងមាំ​យូរ​អង្វែង យើង​គួរ​យក​ចិត្ត​ទុក​ដាក់​ដល់​​បញ្ហា​ដំណេក​ និង​សុខភាព​អ័រម៉ូន​អង់ដូគ្រីន​។ ទាំង​នេះ​ជា​គន្លឹះ​ងាយ​ៗ ជួយ​ឲ្យ​យើង​គេង​លក់​ស្រួល។

• ញ៉ាំ​អាហារូបត្ថម្ភ​ល្អ​ៗ
• ​ចេញ​ក្រៅ​ឲ្យ​ត្រូវ​ពន្លឺ​ថ្ងៃ​ខ្លះ
• បញ្ចេញ​សកម្មភាព​រាងកាយ​ក្នុង​កម្រិត​មធ្យម
• បើក​​ពន្លឺ​សម​ល្មម​អំឡុង​ពេល​គេង
• កាត់​បន្ថយ​ការ​ប្រើប្រាស់​ឧបករណ៍​អេឡិចត្រូនិក​​អំឡុង​​ម៉ោង​គេង
• ធ្វើ​សកម្មភាព​​សម្រាក​អារម្មណ៍​ ដូចជា​ធ្វើ​សមាធិ ឬ​ត្រាំ​ទឹក
• ​រក្សា​ទំនាក់ទំនង​ល្អ​ក្នុង​សង្គម
• ជៀសវាង​ញ៉ាំ​ភេសជ្ជៈ​មួយ​ចំនួន​ដូចជា​ តែ កាហ្វេ ភេសជ្ជៈ​​​​​មាន​ជាតិ​កាហ្វេអ៊ីន នៅ​​កៀក​នឹង​ម៉ោង​គេង។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet