ឃើញពាក់ចិញ្ចៀនម្តង៦ តិចច្រលំក្រលៃ! គ្រឿងលើខ្លួន ឆន សុវណ្ណរាជ សុទ្ធតែពេជ្រ

រាជធានីភ្នំពេញ ៖ ជឿជាក់ថា ប្រសិនបើបងប្អូនជាហ្វេនៗរបស់តារាចម្រៀង ឆន សុវណ្ណរាជ ប្រាកដជាដឹងច្បាស់ថា តារាប្រុសរូបនេះ រាងខុសប្លែកពីតារាប្រុសផ្សេងៗ ដោយសារតែរូបលោកនិយមគ្រឿងអលង្ការ មាសនិងពេជ្រ មិនចាញ់គេឯងជានារីភេទប៉ុន្មានឡើយ សំខាន់ទិញពាក់ស្រោចខ្លួន។

ជាក់ស្តែង ថ្មីៗនេះ ក្នុងការរៀបចំតុបតែងខ្លួនធ្វើជា គណៈកម្មការក្នុងការប្រកួតចម្រៀង Cambodian Idol រដូវកាលទី៤ តារាប្រុសរូបនេះ តុបតែងខ្លួនបែបទាន់សម័យ ថែមគ្រឿងអលង្ការជ្រែកខ្លួន ពិសេសចិញ្ចៀនពាក់ម្តងដល់ទៅ៦ម្រាមឯណោះ ខ្សែករូបក្បាលខ្មោច ស្ទាវកប់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍នោះ តារារូបនេះបង្ហាញម៉ូតចិញ្ចៀន ខ្សែកនិងបន្តោង ពាក់នៅក្នុងពិធីនោះ សុទ្ធតែជាគ្រឿងពេជ្រ ចេញពីហាងមានឈ្មោះល្បីល្បាញនៅក្នុងស្រុក មិនមែនគីឡូពាក់គ្រឿងក្រលៃឲ្យតែបានៗនោះទេ អ្នកលេងបណ្តាញសង្គម គិតត្រួសៗយ៉ាងហោចណាស់ លើខ្លួនសរុបជាងខ្ទង់មួយម៉ឺនដុល្លារដែរ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ឆន សុវណ្ណរាជ
• ជីវិត
• រូបភាព
• តារាខ្មែរ