វ៉ាង ស្រីណូ នៅមិនអស់ចិត្ត រឿងគេថាឲ្យនាង កាត់លុយគេ៣០០ដុល្លារយកហេង តែម្ចាស់លុយត្រូវជួបស៊យ (មានវីដេអូ)

រាជធានីភ្នំពេញ ៖ មហាជនជាច្រើនប្រាកដជាបានជ្រាប រឿងកាត់លុយ៣០០ដុល្លារយកហេង ពីម្ចាស់លុយបាញ់ខុសកុង ចូលគណនីរបស់អតីតតារាស្រីហាយសូ វ៉ាង ស្រីណូ ដែលកំពុងរងការរិះ.គន់ពីមហាជនពេញមួយទំហឹង លើបណ្តាញសង្គម។

យ៉ាងណាមិញ ដោយសារតែការបញ្ចេញមតិរបស់មហាជនភាគច្រើន សម្តែងភាពមិនសមរម្យនិងធ្វើឲ្យខ្លួនទើសទាល់ចិត្តជាខ្លាំង ធ្វើគុណបានទោ.ស ដោយទទួលការពេបជ្រាយទៅវិញ ធ្វើឲ្យរូបនាងសម្រេចចិត្តចេញវីដេអូវែកញែក ធ្វើឲ្យគេឯងយល់កាន់តែច្បាស់ពីរឿងរ៉ាវមួយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ទឹកប្រាក់ចំនួន១៤,០០០ដុល្លារបាញ់ខុសកុងចូលគណនីអតីតតារាស្រី វ៉ាង ស្រីណូ រូបនាងបានបាញ់ត្រឡប់ទៅម្ចាស់ដើម ក្នុងទឹកប្រាក់១៣,៧០០ដុល្លារ ដោយកាត់ថ្លៃអាំងប៉ាវ៣០០ដុល្លារ ខណៈនោះស្រាប់តែមាន គណនីហ្វេសប៊ុកម្នាក់អះអាងជា ម្ចាស់លុយបានរៀបរាប់ថា តារាស្រីរូបនេះកាត់លុយយកហេង តែខ្លួនបែរជាត្រូវជួបស៊យ ព្រោះទឹកលុយនេះជារបស់ក្រុមហ៊ុន ដូច្នេះត្រូវខ្ចីគេដើម្បីសងបង្រ្គប់ទៅក្រុមហ៊ុនវិញ។

ជាមួយគ្នានេះ រូបនាងលើកឡើងថា ហេតុអ្វីម្ចាស់លុយមិនរៀបរាប់ទុ.ក្ខលំបាកនេះតាំងពីដំបូង ការនិយាយស្តីមិនសមនឹងជាអ្នកបាត់លុយដល់ទៅខ្ទង់ម៉ឺនដុល្លារសូម្បីតែបន្តិច ជាងនេះទៅទៀត ម្ចាស់លុយផ្ទាល់មិនបានទាក់ទងមករូបនាងឡើយ គឺឲ្យអ្នកផ្សេងខលមកសុំជំនួសទៅវិញ រីឯសម្តីសម្តៅវិញមិនគួរឲ្យអាណិតសោះ មិនតែប៉ុណ្ណោះ ការសុំឲ្យបាញ់ត្រឡប់ទៅវិញ ក៏មិនបានបញ្ជាក់នឹងឲ្យថ្លៃទឹកតែដល់ខ្លួនទាល់តែសោះ​។

រូបនាងបន្តថា បើប្រៀបធៀបនឹងការទាក់ទងទៅកាន់តែធនាគារវិញ ចំណាយទាំងពេលវេលា ទាំងកម្រៃជើងសារ និងមិនប្រាកដទទួលបានលុយមកវិញទៀត នេះបាញ់ត្រឡប់ទៅវិញចាត់ទុកថាសំណាងធំហើយ មួយវិញទៀតចំពោះអ្នករកស៊ី អាំងប៉ាវកាត់ស៊យនេះជារឿងអបិយជំនឿនរណាៗជឿគ្រប់ៗគ្នា ជាក់ស្តែងបងប្រុសខ្លួនបានជួបដោយផ្ទាល់ រើសបានចិញ្ចៀនមិត្តភក្តិរបស់រូបនាងតម្លៃដល់ទៅជាង១០ម៉ឺនដុល្លារឯណោះ ប្រកាសក្តែងៗនរណារើសបាននឹងទទួលបានថ្លៃទឹកតែដល់ទៅខ្ទង់ពាន់ដុល្លារ ផ្ទុយទៅវិញពេលរើសបានបែរជា ម្ចាស់ចិញ្ចៀនបានត្រឹមឲ្យអាំងប៉ាវទៅក្មួយស្រីត្រឹមតែ២០ដុល្លារប៉ុណ្ណោះ ជាហេតុធ្វើឲ្យ បងប្រុសត្រូវជួបស៊យ គេបុ.កខូចខាតរថយន្តពេញទំហឹង រហូតមកទល់សព្វថ្ងៃមិនទាន់អាចស្តារសេដ្ឋកិច្ចគ្រួសារបានដូចមុនឡើយ នេះមិនត្រឹមកាត់ស៊យជំនួសគេឡើយ​ថែមទាំងធ្វើឲ្យជីវិតខ្លួនដូចទឹកប្រាក់២០ដុល្លារ ដូច្នេះហើយរូបនាងមិនចង់ត្រូវជួបស៊យដូចបងប្រុសឡើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• វ៉ាង ស្រីណូ
• ការងារ
• ជីវិត
• រូបភាព
• តារាខ្មែរ