ម៉ាក់ថ្មីថ្មោងដឹងថា ទារកក្នុងផ្ទៃបង្វិលក្បាលចុះក្រោមនៅពេលណាអត់?

ជាទូទៅ ទារកក្នុងផ្ទៃបង្វិលក្បាលចុះក្រោមដោយខ្លួនឯង ដើម្បីជួយសម្រួលដល់ការសម្រាលតាមធម្មជាតិរបស់ម៉ាក់ប្រកបដោយភាពរលូន និងសុវត្ថិភាព។

ពិតណាស់ រយៈពេលនៃការបង្វិលក្បាលរបស់កូនមិនដូចគ្នានោះទេ ប៉ុន្តែទារកក្នុងផ្ទៃអាចចាប់ផ្ដើមបង្វិលក្បាលក្រោយសប្ដាហ៍ទី២០នៃការពពោះ។ មុនសប្ដាហ៍ទី២៨ ឱកាសនៃការបង្វិលក្បាលចុះក្រោមរបស់ទារកក្នុងផ្ទៃ គឺ៧៥% និងប្រហែលជា៩០%នៅសប្ដាហ៍ទី៣២។ ឈានដល់ពេលគ្រប់ខែ ឱកាសនៃការបង្វិលក្បាលរបស់ទារកកើនដល់៩៧%។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ធ្វើម៉េចទើបម៉ាក់ដឹងថាទារកបង្វិលក្បាលចុះក្រោម?

ស្ត្រីពពោះមួយចំនួន អាចទទួលអារម្មណ៍ដឹង នៅពេលដែលទារកក្នុងផ្ទៃបង្វិលចុះក្រោម។ នៅពេលដែលក្បាលទារកនៅខាងលើ ម៉ាក់អាចមិនស្រួលនៅក្រោមឆ្អឹងជំនី និងមានអារម្មណ៍ថាកូនធាក់នៅផ្នែកខាងក្រោមពោះ។

យ៉ាងណាមិញ នៅពេលដែលក្បាលទារកបង្វិលចុះក្រោម យើងនឹងមានអារម្មណ៍ថាកូនធាក់នៅពោះផ្នែកខាងលើ ព្រមទាំងមិនស្រួល ឬមានសម្ពាធនៅក្នុងឆ្អឹងអាងត្រគាកជាងពោះផ្នែកខាងលើ។

ចុះបើកូនមិនបង្វិលក្បាលចុះក្រោមទាន់ពេល?

បើទារកមិនបង្វិលក្បាលចុះក្រោមទេនោះ ម៉ាក់អាចមានហានិភ័យនៃការកើតកូនបញ្ច្រាសជើង ដែលអាចតម្រូវឲ្យសម្រាលដោយវះកាត់ ដើម្បីបង្ការគ្រោះថ្នាក់ដោយចៃដន្យណាមួយនៅពេលសម្រាល។

ប្រសិនបើនៅសប្ដាហ៍ទី៣៦ ឬជិតដល់ថ្ងៃសម្រាលហើយ កូននៅតែមិនព្រមបង្វិលក្បាលចុះក្រោមទៀតនោះ ម៉ាក់អាចនឹងត្រូវ៖

ធ្វើលំហាត់ប្រាណ ដើម្បីឲ្យទារកបង្វិលក្បាលចុះក្រោម ដោយក្រាបបញ្ឈរជង្គង់ និងទប់លំនឹងដោយដៃទាំងពីររយៈពេលប្រហែលជា៥ ទៅ១០នាទីក្នុងមួយថ្ងៃ។
គ្រូពេទ្យអាចប្រើបច្ចេកទេសបង្វិលក្បាលកូន ប៉ុន្តែវិធីមួយនេះមិនមានប្រសិទ្ធភាពរហូតនោះទេ ព្រមទាំងអាចបង្កគ្រោះថ្នាក់ដល់ទាំងទារក និងទងសុកម្ដាយផងដែរ។
ក្នុងករណីកូនបញ្ច្រាសជើង ស្ត្រីពពោះជាច្រើនបានជ្រើសរើសយកការសម្រាលដោយវះកាត់ដើម្បីកាត់បន្ថយហានិភ័យផ្សេងៗ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ម៉ាក់ថ្មីថ្មោងដឹងថា ទារកក្នុងផ្ទៃបង្វិលក្បាលចុះក្រោមនៅពេលណាអត់?

ធ្វើ​ម៉េច​ទើប​ម៉ាក់​ដឹង​ថា​ទារកបង្វិល​ក្បាល​ចុះ​ក្រោម?

ចុះ​បើ​កូន​មិនបង្វិល​ក្បាល​ចុះ​ក្រោម​ទាន់​ពេល?

In Case You Missed It

ធ្វើម៉េចទើបម៉ាក់ដឹងថាទារកបង្វិលក្បាលចុះក្រោម?

ចុះបើកូនមិនបង្វិលក្បាលចុះក្រោមទាន់ពេល?