ហ្វេនៗតិចណាស់ដឹងថា វណ្ណដា ជិះឡានទំនើបតម្លៃរាប់ស៉ិបម៉ឺនដុល្លារ(មានវីដេអូ)

រាជធានីភ្នំពេញ ៖ ពិតណាស់ តាំងពីមានកេរ្ត៍ឈ្មោះបោះសម្លេងក្នុងវិថីសិល្បៈជាង៥ឆ្នាំ មហាជនសម្គាល់ឃើញ តារារ៉េបល្បីឈ្មោះប្រចាំប្រទេស លោក វណ្ណដា មិនធ្លាប់បើកបង្ហាញពីជីវិតឯកជន ផ្ទះ ឡាន ឬបង្អួតសម្ភារៈនិយម ឲ្យដូចតារានានាឡើយ ដល់ថ្នាក់ហ្វេនៗមួយចំនួន មិនដឹងទាល់តែសោះ ថាសព្វថ្ងៃរូបលោកជិះឡានអ្វី មានផ្ទះស្កឹមស្កៃយ៉ាងណា បើលុយរកបានមិនចេះតិចដូច្នេះ។

យ៉ាងណាមិញ អ្នកគាំទ្រប៉ាន់ស្មានចំណូលរូបលោកមួយខែៗមិនក្រោមម៉ឺនដុល្លារឡើយ ខណៈដែលរូបលោកជា ទូតសុឆន្ទៈឲ្យក្រុមហ៊ុនល្បីៗជាច្រើននៅកម្ពុជា ស្របពេល អាជីពជាតារាចម្រៀងរកលុយចាយលែងអស់ទៅហើយនោះ ប៉ុន្តែរូបលោកបែរជាធ្វើធម្មតា រវល់តែវក់វីនឹងរឿងការងារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែង ក្នុងការប្រគុំតន្ត្រីSkull Tour របស់ខ្លួនក្នុងពេលកន្លងទៅ គេចាប់អារម្មណ៍នឹងរថយន្តដែលបានដឹកតារាប្រុស វណ្ណដា មកទម្លាក់នៅក្លោងទ្វារចូលកម្មពិធី ជារថយន្ត Lamborghini Urus 2022 តម្លៃចន្លោះពី ៤០ម៉ឺន ទៅ ៥០ម៉ឺនដុល្លារ ដោយគេប៉ាន់ស្មានអាចជារថយន្តរបស់តារាប្រុសរូបនេះប្រើប្រាស់ជាប្រចាំ កំឡុងពេលជាប់កុងត្រានឹងក្រុមហ៊ុនស្រាល្បីឈ្មោះ ហនុមាន ព្រោះតែស្លាកលេខរថយន្តដាក់ថា «HNMN x VD»។ 

បើទោះបីជា រថយន្តនេះអាចជារថយន្តជាប់កុងត្រាយ៉ាងណាក្តី ក៏ហ្វេនៗនៅសរសើរពីវាសនារបស់រូបលោកផងដែរ មិនត្រឹមតែមានតម្លៃខ្លួនខ្ពស់នោះឡើយ ថែមទាំងមានរថយន្តទំនើបជិះលេងក្នុងចន្លោះពេលកុងត្រាដូច្នេះទៀត ចាត់ទុកថា រូបលោកជាតារាខ្មែរដំបូងហើយដែលទទួលបានឱកាសមាសដូច្នេះ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ចុចនៅទីនេះ ដើម្បីមើលវីដេអូ ៖ Facebook

• វណ្ណដា
• ការងារ
• ជីវិត
• រូបភាព
• តារាខ្មែរ