តាំងទាក់ទងគ្នាមក មិនថាចូលរួមកម្មវិធី ឬដើរលេង សារីតា តែងទៅជាមួយគូស្នេហ៍

ភ្នំពេញ៖ អាចនិយាយបានថា កញ្ញា រ៉េត សារីតា ជាសិល្បការិនីដែលមានទាំងសមត្ថភាព និងចំណេះដឹង ហើយថែមទាំងអាចនិយាយបាន៣ភាសា។ ពិតណាស់ តារាស្រីរូបនេះ បានសាងកេរ្ដិ៍ឈ្មោះលើវិថីសិល្បៈមកជាច្រើនឆ្នាំ។ ចំណែកប្រជាប្រិយភាពក៏ល្បីល្បាញ មានហ្វេនៗចូលច្រើនផងដែរ។ 

លើសពីនេះទៅទៀត កញ្ញា រ៉េត សារីតា មិនត្រឹមមានឈ្មោះជាសតារាប៉ុណ្ណោះទេ តែនាងក៏មាននាមជាបវរកញ្ញាចក្រវាឡឆ្នាំ២០២០មួយរូបទៀតផង។ បើងាកមើលជីវិតឯកជនវិញ គេដឹងថាតារារូបនេះកំពុងមានទំនាក់ទំនងនឹងបុរសសង្ហាជនជាតិបរទេសម្នាក់ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ក្រោយបើកបង្ហាញមុខគូស្នេហ៍រួចមក គេតែងតែឃើញកញ្ញា រ៉េត សារីតា ជាមួយគូស្នេហ៍តែងតែដឹកដៃគេដើរលេងជានិច្ច មិនថាចេញទៅក្រៅប្រទេស ឬដើរលេងក្នុងស្រុក។ មិនតែប៉ុណ្ណោះ គេចាប់អារម្មណ៍ឃើញថា គូស្នេហ៍មួយគូនេះ ឧស្សាហ៍ទៅណាមកណាជាគូ មិនថាទៅដើរលេង ឬទៅចូលរួមកម្មវិធីតូចធំ មើលទៅកាន់តែស្និទស្នាល យល់ចិត្ត ហាក់មានក្ដីសុខតែម្ដង៕

សូមទស្សនារូបភាពខាងក្រោម៖

• រ៉េត សារីតា
• ស្នេហា
• រូបភាព
• តារាខ្មែរ