កោសិការាងកាយយើងត្រូវការទឹក ដើម្បីដំណើរការប្រក្រតី ប៉ុន្តែបើយើងញ៉ាំទឹកច្រើនជ្រុល នោះនឹងអាចបង្កជាគ្រោះថ្នាក់ធ្ងន់ធ្ងរទៅវិញ។ ពិតណាស់ ក្រុមអ្នកជំនាញណែនាំឲ្យយើងញ៉ាំទឹកឲ្យបាន៨កែវក្នុងមួយថ្ងៃ ហើយបរិមាណនៃការញ៉ាំទឹកប្រចាំថ្ងៃអាចមានការប្រែប្រួល អាស្រ័យទៅលើកត្តាបរិស្ថាន ការហាត់ប្រាណ លក្ខខណ្ឌសុខភាពដូចជាការមានផ្ទៃពោះ ឬការបំបៅដោះកូនជាដើម។
នៅពេលយើងញ៉ាំទឹកច្រើនជ្រុល តើមានបញ្ហាអ្វីខ្លះកើតឡើង?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការញ៉ាំទឹកច្រើនពេក អាចនាំឲ្យយើងពុលទឹកឬរារាំងមុខងាររបស់ខួរក្បាល ពីព្រោះនៅពេលដែលបរិមាណទឹកច្រើនជ្រុលនៅក្នុងកោសិកា (រួមទាំងកោសិកាខួរក្បាល) នឹងបង្កឲ្យមានការហើមកោសិកា ដែលធ្វើឲ្យយើងវង្វេងស្មារតី ងងុយគេង និងឈឺក្បាល។
ជាក់ស្ដែង សូដ្យូមជាអេឡិចត្រូលីត ដែលមានឥទ្ធិពលខ្លាំងពេលដែលយើងមានបរិមាណជាតិទឹកច្រើនជ្រុល ដោយនាំឲ្យយើងប្រឈមនឹងជំងឺសូដ្យូមក្នុងឈាមចុះទាប។ ក្នុងករណីជំងឺសូដ្យូមទាបក្នុងឈាមស្រួចស្រាល់ អាចបង្កជារោគសញ្ញាធ្ងន់ធ្ងរ ដូចជាហើមខួរក្បាល ធ្វើឲ្យសន្លប់ ឬអាចគ្រោះថ្នាក់ដល់អាយុជីវិតក៏មាន។
សញ្ញាបញ្ជាក់ថាយើងញ៉ាំទឹកច្រើនជ្រុល
- ទឹកនោមមានពណ៌ថ្លា
- នោមញឹកញាប់ជាងធម្មតា
- ចង្អោរ ឬក្អួត
- ឈឺក្បាលពេញមួយថ្ងៃ
- ខ្សោយសាច់ដុំ និងងាយរមួលក្រពើ
- អស់កម្លាំង និងនឿយហត់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
