ភ្នំពេញ៖ តារាចម្រៀងសម្លេងផ្អែម លោក ខាន់ ជេមស៍ បានសាងកេរ្តិ៍ឈ្មោះអស់រយៈពេលជាច្រើនឆ្នាំមកនេះ ដោយបានប្រឡូកក្នុងវិស័យជាចម្រៀងបម្រើជូនអារម្មណ៍របស់ទស្សនិជនជាមួយនឹងទឹកដមសម្លេងដ៏ទាក់ទាញ ជាហេតុនាំឱ្យលោកទទួលបាននូវការស្រលាញ់ និងចូលចិត្តពីមហាជន រហូតមកដល់បច្ចុប្បន្ននេះផងដែរ។
ជាក់ស្តែង កាលពីថ្ងៃទី ៣ ខែមីនា ឆ្នាំ ២០២៣ នេះ នៅសណ្ឋាគារហៃយ៉ាត់ ភ្នំពេញ ម្ចាស់បទចម្រៀង «ស្តាយក្រោយ» រូបនេះ បានធ្វើការចុះកុងត្រា ចូលរួមទ្រនំជាមួយផលិតឈានមុខនៅកម្ពុជា គឺផលិតកម្ម Galaxy Navatra របស់អ្នកឧកញ៉ា ឡេង ណាវ៉ាត្រា នៅចំពោះមុខមហាជន ក៏ដូចជាអ្នកសារព័ត៌មានជាច្រើនស្ថាប័ន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![](https://s9.kh1.co/0a/0a52c549a072df64499de899f5c48fe2db1d8129.jpg)
ក្នុងឱកាសដ៏ពិសេស ជាមួយនឹងអារម្មណ៍សប្បាយរីករាយ អមទៅដោយទឹកមុខស្រស់ស្រាយ លោក ខាន់ ជេមស៍ បន្ថែមថា មូលហេតុដែលលោកសម្រេចចិត្តដោយមិនស្ទាក់ស្ទើរ ក្នុងការចូលរួមជាមួយផលិតកម្មចម្រៀង Galaxay ព្រោះលោកជឿជាក់លើអ្នកឧកញ៉ា ឡេង ណាវ៉ាត្រា ដែលជាអ្នកដឹកនាំប្រកបដោយចក្ខុវិស័យ និងជាចលករឆ្នើម នៅពីក្រោយការផ្លាស់ប្តូរក្នុងវិស័យតន្ត្រីចម្រៀងនៅកម្ពុជា។
![](https://s9.kh1.co/9a/9a2266ca80e67f14b61cff87b4b60d5d84f57d74.jpg)
ថ្លែងទៅកាន់អ្នកសារព័ត៌មានជាច្រើនស្ថាប័ន លោកថា នឹងពាំនាំតាមរយៈការកម្សាន្តប្រកបដោយភាពច្នៃប្រឌិត និងបទពិសោធន៍ថ្មីៗ គ្មានដែនកំណត់របស់អ្នកឧកញ៉ា ខ្លួនលោកផ្ទាល់ និងកញ្ញា Amie ដែលជាកូនស្រី មករួមចំណែកជាមួយផលិតកម្ម Galaxy ដើម្បីនាំមកនូវការរីកចម្រើនថ្មី ជាបន្តបន្ទាប់ដល់ឧស្សាហកម្មតន្ត្រីកម្ពុជា។
![](https://s9.kh1.co/bb/bbd3c38f9da57952a9478150891bfbd26c7a254d.jpg)
អ្វីដែលចាប់អារម្មណ៍ខ្លាំងតែម្តងនោះ គ្រាប់ពូជសិល្បៈរបស់តារាចម្រៀង ខាន់ ជេមស៍ ខាងលើ តារាពន្លកថ្មី កញ្ញា Amie ក៏បានប្ដេជ្ញាចិត្តថា នឹងមិនឱ្យអ្នកគាំទ្រកញ្ញាខកចិត្តឡើយ ហើយកញ្ញាបន្តថានឹងឈោងចាប់យកឱកាសដុសខាត់សមត្ថភាពរបស់ខ្លួនឱ្យកាន់តែខ្លាំង ក្នុងអាជីពសិល្បៈតន្ត្រីរបស់នាងឱ្យល្អបំផុត ជាមួយក្រុមគ្រួសារ Galaxy Navatra។
![](https://s9.kh1.co/17/175388e0b8e9a69794439bd75384e85edf24831b.jpg)
![](https://s9.kh1.co/31/315535290c7ab71087cd752e36a49c509185b190.jpg)
គួរបញ្ជាក់ថា កម្មវិធីទទួលស្វាគមន៍វត្តមានតារាចម្រៀងដ៏ល្បីវ័យក្មេងរូបនេះ គឺជាសក្ខីភាពបង្ហាញយ៉ាងច្បាស់ពីឧត្តមភាព និងការឈានឡើងកាន់តែខ្ពស់ត្រដែតរបស់ផលិតកម្ម ហ្គាឡាក់ស៊ី ណាវ៉ាត្រា ដែលជាផលិតកម្មចម្រៀងកំពូលមួយនៅក្នុងព្រះរាជាណាចក្រកម្ពុជា និងដែលជានិច្ចកាលតែងតែទទួលបានការគាំទ្រស្រឡាញ់ពេញចិត្តពីសំណាក់មហាជនគ្រប់ស្រទាប់វណ្ណៈ៕
![](https://s9.kh1.co/c3/c3a0dcd768ce72c4a022b0a1e5ae9617b2f67892.jpg)
![](https://s9.kh1.co/9a/9ac88408ea210c6268ef027387d9c47dc71d2dfd.jpg)
![](https://s9.kh1.co/6a/6aedf59a7347db131f45cfa94b7997aa107b9b55.jpg)
![](https://s9.kh1.co/1f/1fec57ece1946ddd1b671aa9935142c38d732a78.jpg)
![](https://s9.kh1.co/e8/e8cdb220f21ca5f9a5b50131680119b1bc66dfff.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]