ស្រមោចវារជ្រុះ បើស្បែកមុខ វណ្ណដា ភ្លឺស្អាតយ៉ាងហ្នឹង

ភ្នំពេញ៖ ​ច្រើនឆ្នាំមកនេះ តារាចម្រៀងរ៉េបវ័យក្មេងលោក វណ្ណដា កំពុងមានផ្ទុះភាពល្បីល្បាញខ្លាំង។ ពិតណាស់ តារារូបនេះបានសាងប្រជាប្រិយភាពរបស់ខ្លួនរហូតបានឈានជើងឈរច្រៀងលើឆាកអន្តរជាតិទៀតផង។ 

ក្រៅពីមានទេពកោសល្យ និងសមត្ថភាព តារាចម្រៀងរូបនេះក៏មានរូបសម្បត្តិស្រស់សង្ហាផងដែរ។ គ្រប់បេលដែលលោក វណ្ណដា បង្ហោះរូបម្ដងៗតែងធ្វើឲ្យហ្វេនអ្នកគាំទ្រ លង់នឹងភាពស្អាតរបស់លោកគ្រប់ពេលតែម្ដង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត គេចាប់អារម្មណ៍ឃើញថា លោកវណ្ណដា ជាតារាមួយរូបដែលនិយមថតរូបយកត្រឹមតែមុខ ហើយបង្ហាញទឹកមុខរាយមន្តស្នេហ៍តែម្ដង។ ហើយរូបភាពថតមុខជិតៗទាំងនោះ ត្រូវបានហ្វេនសង្កេតឃើញថា ស្បែកមុខតារារូបនេះ ពិតជាភ្លឺរលោង មានសំណើម គ្មានស្នាមមុន ឬមានមុខនោះទេ ពោលគឺរលោងស្អាតខ្លាំង។ ជាពិសេស រូបភាពជាច្រើនសន្លឹកតារារូបនេះទើបនឹងបង្ហោះ ទទួលបានពាក្យសរសើរពីហ្វេនយ៉ាងច្រើនអំពីផ្ទៃមុខ និងស្បែកមុខតារារូបនេះ៕ 

សូមទស្សនារូបភាពខាងក្រោម៖ 

• វណ្ណដា
• រូបភាព
• តារាខ្មែរ